«Երկրորդ շնչառություն»․ Ծանրաբեռնե՛ք ձեր տան ավագներին հոգսերով՝ ապահովելու նրանց իմաստալից կյանքը
Автор: Հայաստանի Հանրային Ռադիո / Public Radio of Armenia
Загружено: 2025-12-20
Просмотров: 125
Հայ օգնության ֆոնդը (ՀՕՖ) ստեղծման առաջին տարիներից ուշադրության կենտրոնում է պահում տարեցների խնդիրները։ Առաջին «ծիծեռնակը» Վանաձորում գործող տարեցների շուրջօրյա խնամքի տունն էր, որն այս տարիների ընթացքում մյուս համայնքների համար նույնպես դարձել է օրինակելի մոդել՝ ավագ սերնդի ներկայացուցիչների համար խնամքի հաստատություններ ստեղծելու առումով։
Հայ օգնության ֆոնդի առողջապահական ծրագրերի ղեկավար Համբարձում Սիմոնյանը տեղեկացնում է, որ Երևանից բացի, որոշ մարզային քաղաքներում՝ Բերդում, Գյումրիում, Բյուրեղավանում ու Նոր Հաճնում, գործում են նաև բարեգործական ճաշարաններ։ Որպես առաջնահերթություն գործելով սահմանամերձ մարզերում՝ ֆինանսավորում ունենալու պարագայում ՀՕՖ-ը դիտարկում է մյուս համայնքներում նույնպես համանման ծրագրեր իրականացնելու հնարավորությունը։
«Մենք կրթական և իրազեկման ծրագրեր ենք իրականացնում ինչպես բուժաշխատողների, այնպես էլ տարեցներին խնամողների և ընտանիքի անդամների համար»,- ասում է Սիմոնյանը՝ կարևորելով իրականացվող ծրագրերում տարեցների ներգրավվածության հարցը։ Նրա կարծիքով՝ այստեղ մեծ անելիք ունեն ընտանիքի անդամները, որպեսզի աջակցեն իրենց ավագ հարազատների զբաղվածության ապահովմանը և «լավ իմաստով» ծանրաբեռնեն նրանց՝ ապահովելու իմաստալից կյանքն ու դրա որակը։
Доступные форматы для скачивания:
Скачать видео mp4
-
Информация по загрузке:
