உழவுக்கு உம்பளச்சேரி காளை | வரலாறு | பகுதி 01 | Umbalacheri Cattle History | Hello Madurai | FM

உம்பளச்சேரி மாடு என்பது தமிழ்நாட்டில் நாகை, திருவாரூர், தஞ்சை மாவட்டங்களில் காணப்படும் மாடுகளின் ஒரு இனமாகும். இவை குட்டையானவை என்றாலும். இதன் கால்கள் உறுதியானவை. ஆழமான சேற்றில் இறங்கி நன்கு உழக்கூடியவை. நாகப்பட்டினம் மாவட்டத்தின், தலைஞாயிறு ஊராட்சி ஒன்றியத்தைச் சேர்ந்த உம்பளச்சேரி ஊராட்சியின் பெயரைக்கொண்டு இவ்வகை மாடுகள் உம்பளச்சேரி மாடுகள் என அழைக்கப்படுகின்றன. நாகை, திருவாரூர் மாவட்ட சதுப்பு நிலப் பகுதியில் உள்ள உப்பன் அருகு என்ற உப்புச்சத்து நிறைந்த புல் வகைகளை மேய்ந்து இனவிருத்தி செய்ததால் உப்பளச்சேரி மருவி உம்பளச்சேரி எனப் பெயர் பெற்றது. (umbalacheri kalai)

இதற்கு வேறு பெயர்களும் உண்டு. உம்பளச்சேரி இனக் காளைகள் தெற்கத்தி மாடு, மோழை மாடு, மொட்டை மாடு, தஞ்சாவூர் மாடு என்றும், பசுக்கள் ஆட்டுக்காரி மாடு, வெண்ணாமாடு, சூரியங்காட்டுமாடு, கணபதியான்மாடு எனவும் காரணப்பெயர்களால் அழைக்கப்படுகின்றன.

இப்பொழுது நிறங்கள், தோற்றங்கள் பற்றி தெரிந்து கொள்வோம். இந்த மாடு பிறக்கும்போது சிவப்பு பழுப்பு நிறத்தில் இருக்கும். ஆறு மாதங்கள் வளர்ந்த பிறகு சாம்பல் நிறத்துக்கு மாறிவிடும். முகம், கால், வால் பகுதிகள் வெள்ளை நிறத்தில் இருக்கும். உம்பளச்சேரி இளம் காளைகளின் கொம்பைத் தீய்க்கும் அல்லது வெட்டும் பழக்கம் இன்றளவும் நடைமுறையில் இருக்கிறது. காங்கேயம் காளைகளை உள்ளூர் நாட்டுப் பசுக்களுடன் கலப்பு செய்யப்பட்டதால் உம்பளச்சேரி என்ற தனி மாட்டினம் உருவாகி இருக்கலாம் என்று கருத்துக்கள் நிலவுகின்றன. காங்கேயம் மாட்டின் தலை அமைப்பைத் தவிர மற்ற உடற்கூறுகளை உம்பளச்சேரி மாட்டிலும் காணலாம்.

உம்பளச்சேரி காளையின் வலிமையைப் பற்றி சொல்லிக் கொண்டே போகலாம். இந்த இனக் காளைகள் காவிரி கழிமுகத்து எதிர்நிலப் பகுதியில் உள்ள கடுஞ்சேற்றிலும் குறைந்த உணவுடன் ஆறிலிருந்து ஏழு மணி நேரம் உழவு செய்யும் ஆற்றல் மிக்கவை. மேலும், 2500 கிலோ கொண்ட பாரத்தை சுமார் 20 கி.மீ தூரம் வரை அனாயசமாக இழுத்துச் செல்லும் ஆற்றல் கொண்டவை. என்ன ஆச்சர்யமாக இருக்கின்றதா ? ஆனால் இதுதான் உண்மை.

முக்கியமாக இந்த மாடுகள் சூழலுக்கு ஏற்ப எளிதில் தகவமைத்துக்கொள்வதால் வறட்சியை தாங்கும் திறன் கொண்டது. தஞ்சை மருத நிலத்திலேயே தோன்றிய இனமாதலால் இயற்கைலேயே கொண்டுள்ள நோய் எதிர்ப்புத் திறன் அதிகம் உடையது. முக்கியமாக உழவுக்கு மட்டுமின்றி பயண கூண்டு வண்டிகள், பாரம் தாங்கிய மாட்டு வண்டிகள் போன்றவற்றுக்கு எப்போதும் விவசாயிகளின் தேர்வாக இருப்பவை உம்பளச்சேரி காளைகள். ஜல்லிக்கட்டு,ரேக்ளா ரேஸ்போன்றவற்றிலும் குறிப்பிடத்தக்க வகையில் பங்குபெறுபவை.

மற்ற மாடுகளில் இருந்து உம்பளச்சேரி மாடுகளை எவ்வாறு அடையாளம் காணுவது என்பதை தெரிந்து கொள்வோம். நெற்றியில் இலை அல்லது நட்சத்திர வடிவ வெள்ளை நிறமுடையதாக இருக்கும். உயரம் குட்டையாகவும், நடு கொண்டையில், நடு முதுகில் இருக்கும் சுழி இருக்கும்.

நான்கு கால்களிலும் குளம்புக்கு மேல் முதல் முழங்காலுக்கு கீழ்வரை வெள்ளை நிறத்திலும், குட்டையான வாலையும், வாலின் நுனிப்பகுதியில் கூந்தல்கள் வெள்ளை நிறத்திலும் இருக்கும். படுக்கை வசம் கொண்ட இணையான காதுகள் இதன் தனி அழகு. மிருதுவான அலைஅலையாக மடிப்புகளை தாடையிலிருந்து நாடிவரை காணப்படும். செந்நிறத்தில் பிறக்கும் கன்றுகள், காலப்போக்கில் ஏழு எட்டு மாதங்களில் பழுப்பு நிறத்துக்கு மாறிவிடும். முக்கியமாக வாலைத் தூக்கி ஈக்களை விரட்டிடாமல் தன் முதுகு பக்கத்தில் ஒரு சிலிர்ப்பை செய்து உண்ணிகளையும் ஈக்களையும் விரட்டும் தனி தன்மை கொண்டது.

காளை மட்டுமா ? பசுவின் பசுவின் பால் தரத்தையும் தெரிந்து கொள்ளுங்கள். இந்த இனப் பசுக்கள் 2.5 லிட்டர் வரை குறைந்த அளவே பால் கறந்த போதிலும், இதன் பால் ஆனாலும் இதன் பால் அதிகக் கெட்டித் தன்மையும், நோய் எதிர்ப்புசக்தியும் கொண்டது. பாலில் கொழுப்புச் சத்து 4.5 சதவிகிதம் முதல் 5.5 சதவிகிதம் வரை இருக்கும். பாலில் கொழுப்பு அல்லாத திடப்பொருள் 8 சதவிகிதம் இருக்கும். இதன் பால் குழந்தைகளுக்கு மிகவும் நல்லது.


கன்றை ஈன்ற பின்னர் 8 மாதங்கள் வரை பால் கொடுக்கும்.இதற்கு சான்று காளமேகப் புலவர்தான். அதாவது, ”முத்துமுத்தாய் நெல் விளைந்தாலும் உம்பளச்சேரி மோருக்கு சோறு கிடைக்காது” என்ற காளமேகப்புலவரின் பாடல் வரிகள் மூலமாக உம்பளச்சேரியின் பெருமையினை அறிந்து கொள்ளலாம்.

சரி உம்பனச்சேரி காளை பற்றிய தகவல் இவ்வளவுதானா என்று நீங்கள் நினைக்க வேண்டாம். 140 ஆண்டுகளுக்கு முன் உம்பளச்சேரி மாடுகளைப் பற்றி பிரிட்டிஷ் அதிகாரிகளின் குறிப்புகள் உள்ளது. இதுகுறித்த பதிவினை அடுத்த வீடியோவில் காண்போம். அதுவரை உங்களிடமிருந்து விடுபெறுவது ஹலோ மதுரை ரமேஷ்.

#உம்பளச்சேரிகாளை #உம்பளச்சேரி #காளை #Umbalacheri #Cattle #History #UmbalacheriHistory
_________________________________________________________
உங்கள் தொழில் சார்ந்த வீடியோக்கள் எடுக்க நீங்கள் எங்களை அழைக்க வேண்டிய அலைபேசி எண்:

Hello Madurai M.Ramesh - 95 66 53 1237. (Whatsapp)
_________________________________________________________
மேலும் ​எங்களது Hello Madurai App எனும் பிரத்யேக செயலியை கூகுல் பிளே ஸ்டோரில் இலவசமாக பதிவிறக்கம் செய்து எங்கள் வீடியோக்கள் உள்பட ஒட்டுமொத்த மதுரையையும் உள்ளங் கையில் வைத்துக் கொள்ளலாம்.

💓 App Link: https://play.google.com/store/apps/de...

💓 Facebook :  / maduraivideo  

💓web site : https://hellomaduraitv.com/

💓web site : https://hellomadurai.in/

💓web site : https://tamilvivasayam.com/

💓 Telegrame Link: https://t.me/hellomadurai
_________________________________________________________