МАҢҒЫСТАУЛЫҚ ТАКСИСТІҢ КӨЛІГІН ЖОҒАЛТЫП ЖІБЕРГЕН ПОЛИЦЕЙЛЕРГЕ НЕГЕ ЗАҢ ЖОҚ?!

Кезекті кейіпкеріміз – Маңғыстау облысының тұрғыны Нұрлан Маңғыбаев. Ол 2022 жылы сатып алған Toyota Sienna көлігімен такси қызметін көрсетіп, отбасын асырап келген. Алайда, көлігін сатуға шешім қабылдаған сәтте күтпеген оқиға орын алды.

Екі жылдан астам уақыт мініп жүрген көлігінің бұрынғы иесімін деп таныстырған Аманқос деген азамат аяқ астынан пайда болып, арыздана бастайды. Құжаттары толық, сақтандыру парағы өзінде бола тұра, Нұрланның көлігін бірнеше рет айып тұрағына жауып тастайды. Бірақ 2024 жылдың 3 маусымында ол көлігі туралы соңғы рет хабар алуға барғанда автокөлігінің із-түзсіз жоқ екенін анықтайды! Ең сорақысы – оны екі полиция қызметкері белгісіз үшінші тұлғаға беріп жіберген!

Содан бері Нұрлан Маңғыбаев әділдік іздеп, барлық құзырлы органдардың есігін қағумен келеді. Алайда, қозғалған қылмыстық істер бірінен соң бірі жабылып, ал кінәлілер жауапкершіліктен сытылып кетіп отыр. Маңғыстау облысының прокуратурасы бұл істі "немқұрайлылық" деп бағалап, кейін қайта жауып тастаған. Сонда өз қызметін асыра пайдаланған полиция қызметкерлері жазасыз қала бере ме? Құқық қорғау органдары неге шара қолданбайды?

Нұрлан Маңғыбаев мұнайлы өңірдегі заңсыздықпен күресуге бел буған! Ол әділдік үшін соңына дейін күресуге дайын екенін ашық айтты! Құзырлы органдар әділдік орната ала ма? Бұл сұрақтардың жауабын Жүйе бағдарламасының алдағы шығарылымдарынан білесіздер!

Жүйе бағдарламасының осы шығарылымын көріп, пікіріңізді қалдырыңыз! Арнамызға жазылып, әділдік үшін бірге күресейік! Әр шығарылымға үн қосып, өз ойыңызды білдіріңіз! Өз оқиғаңызды да ашық айтуға мүмкіндігіңіз бар!

Біздің байланыс нөміріміз: 8701 186 38 38 ©
Жоба ақылы. Демеушімен төленген.

Ескерту: Бағдарлама барысында кейіпкерлердің айтқан пікірлері мен көзқарастары Айгүл Орынбек - LIVE YouTube арнасының ұстанымын білдірмейді. Қазақстан Республикасының қолданыстағы «Масс-медиа туралы» заңына сәйкес, сұхбат берушілер өз мәлімдемелерінің дұрыстығы және мазмұнына толықтай өздері жауапты екенін ескертеміз!