獅子山學會 - Thinking the Unthinkable Speakers Series: 傳媒絕種之後

獅子山學會 - Thinking the Unthinkable Speakers Series: 傳媒絕種之後

蘋果日報做唔住，邊個最高興？無綫冇人睇，又邊個最開心？

可能有人以為，舊媒體一個一個倒下，對政府最有利。不過，現實係主流媒體走向終結，政府同大機構亦同時失去咗一個掌握民情嘅渠道。

從前，政務官雖然唔贊成蘋果日報，但一定會睇，因為可以從中知道市民點諗。今時今日，又有邊個可以夠膽話自己代表主流民意？蘋果日報唔得。無綫都唔得。毛記電視都唔得。

唔知道乜野係主流民意，政府又點樣可以管治社會？大機構每日服務幾百萬市民，唔知道乜野係主流民意，又點樣運作？

社交媒體好似Facebook，令到我哋生活響一個局限嘅空間入面；好多人將自己身邊嘅次文化，當作主流。不過，究竟乜野係主流文化？又或者，根本唔再有主流文化？

呢次「飯聚」研究會，探討嘅主題係「傳統傳媒之死」帶來嘅衝擊。結果未必一定係世界末日。曾幾何時，地球經歷過冰河時期，恐龍滅亡，又有一個美麗新世界⋯⋯

主持：李兆富

李兆富，筆名利世民，身兼出版人，時事評論員，專欄作家及評論網站《全民媒體》之社長。

李兆富曾為蘋果日報社論主筆，並曾經出任「壹．蘋果網絡」之總經理。

www.lionrockinstitute.org