Zota Salpha | Muana Ngaihte

Zota Salpha
Muana Ngaihte

1. A Va leensiam bang a,
Ngalliam Lia leh Tang te,
Tung khuapi niim thengsak dia,
Sian siam chibang teel,
Lungkham meipi zinglai,
Daibang a thengsak dia,
Sianmang siam a lia leh tang,
Aw etin lawm sa'ng e.

Cho.
Hawmsiam Sianmang' hawm a,
Zolei, Zota, salpha,
Na khan kumkhua sawt henla,
Sian in hong sung' hen aw.
Zolei' dia hanchiamsa,
Phamsate ngilhlou in,
Tangbang damlai salphate,
Sian in hong sung' hen aw.

2. Dougal honglang vangkhua’h,
Ngalliamten palbang nang,
Diamdiam sai uh ging dimdim,
Zolei aw lawp veng,
Machiang suan khuamual ah,
Dougal a lal liamta,
Salpha banzaal ah kawlchiang toh,
Et in lawm sa'ng e.

3. Maimit suan chimla'ng e,
Simthu sut chimla'ng e,
Lungdam miza lungtai sak,
Sian siam lia leh tang,
Minthang dougal' vangkhua,
Zatam chimsak zouta,
Naubang pomin laamtual ah,
Laambang paakleng lawm e.

4. Zankhang meikai, daitui,
Gilkial, dangtak na thuak,
Sulkik simthu lellou a,
Zolei' vang chilai,
Zatan' laambang paak in,
Zolei silpak hoih te,
Tullel heisa a kungtung uah,
Bang leng lawm sa'ng e.