Një mysliman dhe një katolike, s’mund të ishin bashkë?! Ardi: Migenën e rrëmbeva, kaq ishte...

#arditgjebrea# EdielaShqiptare #TvKlan #ardi #migena #dashuri #operacion #tumor #mirenjohje #mesazh #shkoder #itali
Në rubrikën “Ka Një Mesazh Për Ty” te “E Diela Shqiptare”, Ardi rrëfen me plot emocion dashurinë e tij të përjetshme me Migenën. Bashkë janë njohur kur kanë qenë shumë të rinj, Migena 16 vjeç dhe ai 19 vjeç.

Dashuria e tyre, plot pasion dhe çiltërsi, do të vendosej përballë ndasive fetare. A mund të dashurohej një katolike praktikante me një mysliman të devotshëm?! Familjarët e Migenën thoshin kategorikisht “jo”. Por, kjo nuk ndaloi dy të rinjtë që ta kurorëzonin dashurinë e tyre.

Ardi tregon se babai i Migenës i kishte thënë të atit të tij, se miqësia mes dy familjeve nuk bëhej kurrsesi. Kur takimi i parë dhe i dytë me babain e Migenës dështoi, Ardi vendosi të merrte vetë situatën në kontroll. Zgjidhja e vetme ishte, që ta “rrëmbente” Migenën dhe ta çonte te shtëpia e tij... Dhe ajo ishte gati për këtë hap!

Ardit Gjebrea: Por, ty nuk të kaloi?!

Ardi: Absolutisht! Shtohej! Shkoj në shtëpi dhe pas tre ditëve vendosa që të shkoj të flas im atë

Ardit Gjebrea: Si të shkoi takimi?

Ardi: Jo, e prerë! Isha ai djali i fesë tjetër. Migena ka një familje katolike shumë të devotshme dhe praktikante dhe unë jam i besimit mysliman, falem pesë herë në ditë edhe Migena po ashtu në ato ritet e veta. Vajza ime sot feston Bajram, Kurban Bajram, Pashkë, Krishtlindje dhe gjithçka. Merr dhurata nga dajat, tezet dhe hallat për çdo lloj feste. Vajza ime ka festë gjithmonë. Nuk ka asnjë lloj problemi kjo pjesa e fesë.

Ardit Gjebrea: Atë kohë kishte problem!

Ardi: Për familjen e vajzës kishte problem shumë. Nejse, përgjigja e parë ishte jo e thatë. Vjen babai në shtëpi dhe më thotë që thanë “jo”, por do  i shkoj edhe një herë. Herën e dytë i shkoj edhe unë me tim atë. Hera e dytë më keq se e para. Nuk na futi kush brenda, na lanë te dera. E kishin ndarë mendjen ata, jo edhe s’ka. E kisha rastin, takohem me Migenën. I thashë Migena babi nuk vjen më që të të kërkojnë, ne duhemi, çfarë do të bëjmë? A do vish?! Po, tha Migena do vij! Një natë para se të organizohej ky rrëmbimi i famshëm, duke diskutuar me një shok. Marr Migenën...

Ardit Gjebrea: Ku e more Migenën?!

Ardi: Te shkolla! Vjen Migena shkojmë në shtëpi dhe u dërgojmë fjalë. Vëllai në këtë rast shkon tek familja e Migenës dhe u thotë që Migena është tek ne. Në darkë vjen xhaxhi i Migenës, Migena i bën dy kafe dhe ai thotë “po më duket vajza si në shtëpi të vet”. “Telebingo” për mua. E lamë pasdite që ta çonim vajzën tek shtëpia. Lufta zgjati dy ditë kaq ishte! Fejesa vazhdoi dhe ato ëndrrat tona të bukura. Vërtet ishte kjo pjesa e aventurës që e ka çdo njeri.
E Diela Shqiptare, programi më popullor në të gjitha familjet shqiptare, vjen çdo të diel. Një program i cili përfshin një fashë orari maratonë, prej 6 orësh transmetim live. Struktura e programit: “Ka një mesazh për ty”, “Quiz me 5 Yje”, “Të panjohurit”, “Kujdes shëndetin”, “Telebingo shqiptare”, “Shihemi në gjyq”, “Power Kidz”, etj. Ndërsa që prej vitit 2003, bashkëprodhon me Klan festivalin më prestigjioz të muzikës moderne shqiptare, “Kënga Magjike”, live nga Pallati i Kongreseve.

#EDielaShqiptare #ArditGjebrea #TVKlan