الرجل والمرأة - آدم وحواء ؟

فيه حكاية بدأت من أول لحظة في وجود الإنسان…
من أول نَفْسٍ واحدة، ربنا قال:

"يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُم مِّن نَّفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالًا كَثِيرًا وَنِسَاءً" (النساء: 1)

يعني البداية كانت واحدة، الأصل واحد، والهدف واحد، بس كل واحد فيهم ليه دوره، زي النسر،
مش هيقدر يطير من غير الجناحين .

ربنا خلق آدم وحواء وجعلهم خلفاء في الارض
وَهُوَ الَّذِي جَعَلَكُمْ خَلَائِفَ الأَرْضِ (الأنعام : 165 )

"وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُم مَوَدَّةً وَرَحْمَةً" (الروم: 21)
كل واحد فيهم مكمل للتاني

المرأة مش أقل من الراجل،
والراجل مش أفضل منها لمجرد النوع،
لكن الأفضلية عند ربنا بالتقوى، مش بالجنس ولا بالشكل.

"إِنَّ أَكْرَمَكُمْ عِندَ اللَّهِ أَتْقَاكُمْ" (الحجرات: 13)

آدم من غير حواء او حواء من غير ادم النسل هينتهي ؟
الحياة مش هتمشي من غير الاتنين،
الراجل والست زَيّ جناحين لنسر واحد،
لو واحد وقف، التاني مش هيقدر يكمّل.

فبدل ما نبص على الاختلاف كعيب،
نشوفه كتكامل،
لأن من غيره مفيش توازن في الكون.
زي الليل والنهار، زي الشمس والقمر،
ربنا قال:

"وَمِن كُلِّ شَيْءٍ خَلَقْنَا زَوْجَيْنِ لَعَلَّكُمْ تَذَكَّرُونَ" (الذاريات: 49)


الاتنين بيتكاملوا… علشان الحياة تكتمل