Зөөкүр балдар! Эмнеге?

2025-жылдын 16-декабры. Москва шаарынан 30 чакырым аралыкта жайгашкан Одинцово шаары. 10 жашар Кабылжан деген периштедей болгон бала күндөгүдөй эле мектепке барат. Бираздан кийин 15 жаштагы ошол эле мектептин Тимофей аттуу окуучусу келет. Колунда бычак, көздөн жаш агызуучу баллон, үстүндө болсо “No Lives Matter" деген б.а. “Эч кимдин өмүрү маанилүү эмеc” деген жазуусу бар футболка. Ал бир нече убакыт мектепте кимдир бирөөнү издеген соң, алдынан чыккандардан: “Улутуңар ким?”- деп сурайт. Арасынан кашы-көзү, чачы кара, тажик улутундагы Кабылжанды көрүп калат да, мыкаачылык менен өлтүрөт...

Таң калычтуусу кылмышкер окуянын баарын камерага тартып, кылмыштан соң өзүн сүрөткө тарткан. Андан да таң калычтуусу 15 жашар өспүрүмдө чоңдор көрүүгө даай албаган каргашалуу кылмышты жасап аткан кезде эч кандай боор ооруу, мээримдүүлүк же болбосо айоо сезими байкалган эмес. Суроо туулат: бешиктен бели чыга эле бул балада бул улутчулдук сезими кайдан? Эмне үчүн мынчалык мыкаачы? Эмне үчүн башка улуттун өкүлдөрүн, айрыкча түркестандык мусулмандарды мынчалык жек көрөт? Мындай терс касиеттерди өзүнө качан топтоп жетишти бул жумарымбек?