【Crystal Moon】遊戲節目︱

好開心！真係好開心原來一個遊戲節目有咁多人睇！同埋咁多人回響，仲有互動。我下咗好多心機、時間、心思同耐性去做㗎！沒有白費心機。☺️

我覺得大家除咗辨認能力高之餘，想像力都好高呀！畀大家5個燈！其中一個係劉洋，呢個唔算好似，但又有點佢影子喎！所以要發揮大家想像力了！亦有人認為某個似關心姸，又有人話係劉曉昆，我都覺得兩個都似！😄

其實大部分嘅人都猜中晒了！唯有兩個始終猜不中答案！可能呢啲參賽者唔係走得太前，又或者依家個髮型同以前唔同，又或者出鏡無戴眼鏡，我造出來又有戴！點都要有啲難啲嘅，否則缺乏挑戰性。

製作：
其實真係心機同耐性缺一不可，因為你未必一gen就gen到一個同真人相似的，所以有時要試不少次，而且我仲會用其他AI App畀指令去修飾，唔滿意會繼續做，搞到AI都話我過分完美主義！😅 如果我認為仲要修改，會再開其他software出嚟Edit，例如周Sir原先出嚟嘅公仔有頭髮喺帽度露出來，我都要幫佢修剪一下！🤣

感言：
我本來打算乾脆地以文字打出答案，不過，心想，《中年好聲音3》好可能係最後一屆，唔知會唔會再返來。老實講，我一直都好想拍片同大家分享下參賽歌手、大家傾吓偈，可惜未有咁做！

唔怕同大家公開，我大約4年半前開始無故失聲，以前好鍾意唱歌嘅我，依家就連說話都困難！我個病4年來從未有醫生能為我確診。不太認識我嘅人，可能聽我講嘢冇問題吖！但熟悉我嘅人就知我聲音係唔同，同埋控聲有時係好吃力的！語調唔係隨意去控到！與正常人不同！這幾年間，我以採訪、拍攝、製作、剪片、撰文去讓自己快樂、為追夢者發聲！所以其實我都係一個「生命鬥士」！💪🏻🥺

呢條答案片，我剪咗超過10個鐘，十分花心思！因為《中年好聲音》很快會成為大家嘅回憶！我覺得值得咁做！值得同大家分享！☺️ 片中大家會聽到一些耳熟嘅聲音、音樂、歌曲，一些參賽者嘅代表作，一些評判說話嘅風格、表情！這些都係有歸屬感的！長存大家嘅心中！

也希望睇過呢條片嘅觀眾，都會記得一位，影好多《中年好聲音》嘅相、拍好多《中年好聲音》嘅片，同埋寫好多《中年好聲音》嘅報道的嘅我 - 鋮滿 🙇🏻‍♂️