Qaama Saalaa Dhungachuu? - Dhaddacha Jaalalaa 28

Dhaddacha Jaalalaa Iyyannoo 1ffaaGalmee iyyannoo GIY-59

As wr wb qopheessitoota qophii dhaddacha Jaalalaa. Rabbiin Mindaa keessan jannatal firdawsiin isinii haa deebisu. Ani maqaan kiyya N.H Jedhama. Namni an himachuuf dhufe haadha manaa tiyya. Haadha manaa tiyya akkaanin jaaladha. Ishiinis akkaan na jaalatti. Keessumattuu gama ibaadaatti, haalaa amalli isii waan akkaan qalbii tiyya gammachiiserraahi. Kabajaafi jaalalli isiin maatii kiyyaaf qabdus guddaadha. Duuba maali ree wanti intala gaarii tanarraa himattu naan hin jedhinaa. Anuu waan na dhibde isinii himuuf deema. Aniifi jaartiin tiyya yeroo walitti qanani’uuf gara firaashaa deemnu, qaama saalaa kee dhungachuu fedha naan jetti. Yoon ani waan isiin jettu kana dide. Ishiinis na dura dhaabbattee duyda natti galtee rafti. An ammo haalli kun haala ummata yahuudaati jedheen dide. Ishiin ammo lakki anaafi ati halaal wal godhannee jirra humaa hin qabu jettee na dura dhaabbatti. Wanti kun yeroo heddu natti deddeebi’ee jira. Waan isiin na gaafattu kana an jibbaa dhufee jira. Sababaa kanaaf way bultiin teenya diigamtii jedhee waanin sodaadheef, iyyannoo tiyya galmee jabduu irratti galmeeffadhee gama keessan dhufe. Murtii abbaan murtii naa kennu obsaan eeggadha. Ws wr wb.

Iyyannoo 2ffaaGalmee Iyyannoo GIY-60
As wr wb
Qopheessitoota Qophii dhaddacha Jaalalaa. Maa shaa ALLAAH, qophiin dhaddacha jaalalaa hedduu tokko nu gammachiise. Barumsa guddaallee irraa argataa jirra. Jazaakumullaahu khayran. Maqaan kiyya Y.A jedhama. Biyya Arabaa Kuweet irraa iyyachutti jira. Aniifi Abbaan manaa kiyya karaa halaalaatiin nikaaha godhannee bultii gammachuu jiraachutti jirra. Alhamdulillaahi Rabbil Aalamiin. Abbaan manaa kiyya gaariin kun hedduu na jaalata. Anilleen hedduu isa jaaladha. Alhamdulillaahi Rabbil Aalamiin. Rabbiin nama addunyaafi aakhiratti waliin mikaahu nu haa taasisu. Wanti gama dhaddacha kanaa na fide dhimmi gabaabduu takka. Aniifi abbaan manaa kiyya gaafa dura wal fuunu waan irratti walii galle qabna. Anaafi innis biyya Arabaa keessa jiraanna. Nu lameenuu hanga humna keenyaatiin carraaqannee, waan arganne walitti buusnee gama biyyaa erganna. Achi booda abbaan kiyyaafi abbaan isaa walitti dhufanii mallaqa nuti erganne kanaan waan tokko akka nuu dalagan walii gallee sharxii tanarratti wal fuune. Eeguma wal fuunee wajji jiraachuu eegallee booda abbaan manaa kiyya sharxii irratti walii galle kana diigee, waan anaafi ati wajji dalagannu Abbaan kee beekuu hin qabu. Waan hunda abbaan kiyya nuuf godha. Mallaqa Abbaa kiyya qofatti ergina. Abbaan kiyya waan nuuf tahu kophama isaa nuuf haa godhu naan jechuu eegale. Dubbiin isaa tun hamilee na cabsite. Mallaqa kana akkam tahee akka argadhu anumaatu beeka. Hedduu itti dadhabee argadha. Waan ifaajee guddaana argadhu kana ammo osoo abbaan kiyya quba hin qabne usee erguun hedduu natti ulfaate. Mee maal naaf dhaamtan. Anaafi isaafis waan faaydaa nuuf qabu nuuf dhaamaa. Ajaja jaarsa kiyyaa fudhee mallaqa kiyya gama abbaa isaa haa ergu moo, wanti biro ka furmaata naaf gootan yoo jiraate murtii abbaa murtii obsaan eeggadha. Ws wr wb.



Copyright Notice:
Reuploading any of our videos or content to another YouTube channel or platform without our explicit consent is a violation of our copyright. We do not tolerate such actions.

We actively monitor for unauthorised use of our content. If we discover that our content has been reuploaded without permission, we reserve the right to take appropriate legal action, including reporting the infringement to YouTube and requesting the removal of the unauthorised content.