جوه القلب يابابا شنودة

كلمات جوه القلب يابابا شنودة

هي تي ني افجي انتابنيوت طايوط ارشي ايرفس بابا افا شينوتي

١- طِفل صغيَّر إسمه نظير متميِّز ومالوهشى نظير
وبَقَى البابا شنوده التالت خِطَّة إلهيه وتدبير

الرَّب إلهنا إللى إختار كان ساندك طول المشوار
إللى إبتدى ويَّاك آهو كَمِّل لسنين تانيه يا بابا كتير

بنيوت اثواب امبطريارشيس بابا افا شينوتي بي ارشي ايرفس
انت ابونا الغالي البابا القديس اب حنين دايما بولادك بتحس
جوة القلب يا بابا شنودة ياللي ايديك بالخير ممدودة يا خليفة مارمرقس

٢- في مغارة جوه البريه متوحد عشت في بتوليه
حتعوز إيه تاني من الدنيا دا وجود رب الدنيا كفايه

لحياة الدير مابتنساش أبداً عنها ماتتخلاش
يا راهب في العالم عاش خلى العالم ليه قلايه

٣- ياناسِك م الدَّرجه الأولى شيخ. وتصلى كتير وتصُوم
وعلاقتك بالدِّير موصوله بتروح خِلوه لحَد اليوم

إنتَ غريب عايش فى الدَّنيا والدُّنيا مش عايشَه ف قلبَك
مش بتفوت من عُمرك ثانيه غير لَمَّا بِتكَلِّم رَبَّك

٤- إنت الحُزن ماتِعرَفهوش والهم إنتَ مابتشيلهوش
وعليك خِفِّة دَم عَجيبَه كُلَّك طيبَه وديع وبَشوش

مِن كُتر بَساطتك مِتحَيَّر إنسان قلبَك قلب ملاك
وعليك ضِحكة طِفل صغيَّر تِضحك وتِضَحَكنا مَعاك

٥- وِعِظاتَك فى طَريقنا علامه وكلامَك يا أبانا روحانى
يا بابا شنوده يا عَلاَّمه يا ذهبى الفَم التَّانى

علاَّمه بجد وموسوعَه وَعَظات مَرئيَّه ومسموعه
وكُتب لاهوتيَّه وروحيَّه تعاليم جُوَّانا مَزروعَه

٦- ومخَصَّص يوم فى الأسبوع تيجى تكلِّمنا ف موضوع
يوم الأربَع نيجى ونِسمَع نيجى تِقَدِّم لينا يسُوع

نسأل وإنتَ تقول إجابات وتفَسَّر فى كتابنا آيات
وِف لَجنة البِر. بِنَفسَك بتقَدِّم لينا مُساعدات

٧- وأديب وبتِكتِب أشعار فَنَّان ومُثَقَّف وحَكيم
ومُفَكِّر عَندَك أفكار ومُفَسِّر ليك فِكر سَليم

بتحارب البِدع اللاهوتيَّه مش بس بحرومات كنسيه
زى ما قالت الدسقوليه تمحو الإثم بالتعليم

٨- أيوه إنتَ صلاه زى داود على رَبَّك دايمًا مًسنود
تِتألِّم وتقول لِلخير وِشعارَك رَبِّنا موجود

وجراح شعبَك حاسس بيها تِتألِّم وبِتِبكى عليها
وبتُطلُب رَبِّنا يِدَّخَل يِسمعلَك وقَوام يداويها

٩- بَلَدَك دى ف قلبَك ياراعينا وِف كُل مَكان بِتروح لِيه
بتقول مصر دى بتعيش فينا مش بس وَطن بنعيش فيه

وطنى. ومين ينسالَك مين قلت أنا مش هاجى فلسطين
غير لمَّا تِرجَع لِصحابها ونُدخُلَّها مع بَعض .آمين

١٠- أديرَه عَمرانَه برُهبان وكنايس فى كل مكان
كل ده حاصِل بَس ف عَهدَك نُور كنيستنا للكون بان

والإعلام إهتَمِّيت بيه لَمساتَك آهى باينَه عليه
كل الدُّنيا شايفَه أغابى والعالَم بيشوف سى تى في

كلمات: جوه القلب يابابا شنودة تأليف رمزي بشارة
آلحان وتوزيع موسيقي وهندسة صوتيه وتوزيع هارموني
حاتم منير
إنتاج قناة قيثارة "حاتم منير"