ပီရူးမှာ ဘတ်စ်ကား ချောက်ထဲကျပြီး ၂၃ ဦးထက်မနည်း သေဆုံး

အောက်တိုဘာ − ၃ ၊၂၀၁၉

ပီရူးနိုင်ငံမှာ ဘတ်စ်ကားတစ်စီး လမ်းချော်ပြီး ချောက်ထဲ ကျခဲ့တဲ့အတွက် လူ ၂၃ ဦးထက်မနည်း သေဆုံးခဲ့ကြောင်း သိရပါတယ်။

အောက်တိုဘာ ၂ ရက်က ကူစ်ကိုနဲ့ ပွာတို မယ်လ်ဒိုနာဒိုကြား ဆက်သွယ်ထားတဲ့ အဝေးပြေးလမ်းပေါ် မောင်းနှင်နေရင်း ဘတ်စ်ကားက ချောက်ထဲ ကျသွားခဲ့တာ ဖြစ်ပါတယ်။ ဘတ်စ်ကားဟာ ပေပေါင်း ၃၃၀ လောက် မြင့်တဲ့ တောင်စောင်းအတိုင်း လိမ့်ဆင်းသွားခဲ့ပါတယ်။

ကယ်ဆယ်ရေးတွေ ရောက်ရှိလာတဲ့ အခါမှာတော့ တကွဲတပြား ပြန့်ကြဲနေတဲ့ ရုပ်အလောင်းတွေကို တွေ့ရှိခဲ့ရပြီး ဒဏ်ရာ ရရှိထားသူတွေကိုလည်း ဆေးရုံကို အမြန်ဆုံး တင်ပို့ပေးခဲ့ရပါတယ်။ ဘတ်စ်ကားပေါ် ပါလာသူ အရေအတွက်ကို တိတိကျကျ မသိရသေးပေမယ့် လူ ၅၀ ဝန်းကျင် ဖြစ်နိုင်တယ်လို့ ဒေသခံ မီဒီယာတွေက ဖော်ပြပါတယ်။

အခုလို ဆိုးရွားတဲ့ ယာဉ်မတော်တဆမှု ဖြစ်ပွားရတဲ့ အကြောင်းရင်းကို ရဲတပ်ဖွဲ့က စစ်ဆေး စုံစမ်းနေဆဲပါ။ ပီရူးမှာ အဝေးပြေး လမ်းတွေရဲ့ ပြုပြင်မွမ်းမံနိုင်စွမ်း အားနည်းမှုနဲ့ အန္တရာယ် လမ်းကွေ့တွေ များပြားမှုကြောင့် အရင်ကလည်း ယာဉ်မတော်တဆမှုတွေ မတော်တဆ ဖြစ်ပွားခဲ့ပါတယ်။
Subscribe to our channel at https://bit.ly/2CVSP6d
Check out our website: http://www.7daydaily.com/
Connect with us at our social media handles:
Facebook:   / 7dayonlinetv  
Twitter:   / 7day_tv