နေ့စဉ်ခွန်အား ၂၀၂၅ ခုနှစ်၊ နိုဝင်ဘာလ ၃၀ ရက်

မည်သို့ ကောင်းမွန်စွာ အသက်ရှင်မည်နည်း
https://myanmar-odb.org/2025/11/30/ho...

  / myanmar.odb  
  / ourdailybreadmyanmar  

ယနေ့ဖတ်ရန်ကျမ်းချက် - ကမ္ဘာဦးကျမ်း ၅:၂၁-၂၄
https://odb-ministries.org/bible/mm/r...

ထင်ဟပ်ဖော်ပြချက်
မည်သို့ ကောင်းမွန်စွာ အသက်ရှင်မည်နည်း

“လမ်းလျှောက်သည်”သို့မဟုတ် “လျှောက်လှမ်းခြင်း” သည် ယုံကြည်ခြင်းအသက်တာကို ခရီးစဥ်တစ်ခုအဖြစ် သရုပ်ဖော်ရန် သမ္မာကျမ်းစာထဲတွင် အသုံးပြုထားသော တင်စားမှုတစ်ခုဖြစ်သည်။ “လမ်းလျှောက်သည်”ဆိုသည်မှာ လိုရာပန်းတိုင်ဆီသို့ ဦးတည်လျှောက်လှမ်းသော ရုပ်ပိုင်းဆိုင်ရာ ခြေလှမ်းလှမ်းခြင်းဖြစ်သည်။ ဘုရားသခင်နှင့်အတူ သွားလာသည်ဆိုသည်မှာ ကိုယ်တော်နှင့်အတူ ပေါင်းသင်းဆက်ဆံမိတ်သဟာယဖွဲ့ခြင်းဖြစ်သည်။ သမ္မာကျမ်းစာထဲတွင် ဧနောက်ကို ပထမဦးဆုံးသော “ဘုရားသခင်နှင့်အတူသွားလာ”သူအဖြစ် ဖော်ပြထားသည် (ကမ္ဘာဦးကျမ်း ၅း၂၂၊ ၂၄)။ နောဧသည်လည်း “ဘုရားသခင်၏ စိတ်တော်နှင့် တွေ့သောသူ”ဖြစ်ပြီး “ဘုရားသခင်နှင့်အတူသွားလာသောသူ” ဖြစ်သည်။ (၆း၈-၉)။

လျှောက်လှမ်းခြင်းဥပစာတင်စားမှုကို ဓမ္မသစ်ကျမ်းတွင် ဆက်လက်တွေ့ရှိရသည်‌။ ကျွန်ုပ်တို့သည် “ဝိညာဥ်ပကတိအတိုင်းကျင့်”ကာ လျှောက်လှမ်းရမည် (ဂလာတိဩဝါဒစာ ၅း၁၆)။ “မေတ္တာတရားဖြင့် ကျင်လည်” လျှောက်လှမ်းကြရမည် (ဧဖက် ဩဝါဒစာ ၅း၂)။ “အလင်း၌ကျင်လည်”လျှောက်လှမ်းကြရမည်(ရှင်ယောဟန်ဩဝါဒစာပထမစောင် ၁း၇)။ “သမ္မာတရား၌ ကျင်လည်”ရမည် (ရှင်ယောဟန်ဩဝါဒစာ ဒုတိယ‌စောင် ၁း၄)။ “ပညတ်တော်တို့အတိုင်း ကျင့်စောင့်” ရမည်(း၆)။” ဘုရားသခင်နှင့် အတူ ဘုရားသခင်နှင့် သစ္စာတည်စွာ လျှောက်လှမ်းနိုင်ရေး သခင်ယေရှု”ကျင့်တော်မူသည့်နည်းတူ ကျင့်ရမည်” (ရှင်ယောဟန်ဩဝါဒစာပထမစောင် ၂း၆)။ တစ်နည်းဆိုရလျှင် “သခင်‌ယေရှုလျှောက်လှမ်းသည့်အတိုင်း လျှောက်လှမ်းရန်ပင်ဖြစ်သည်။
စာရေးသူ - K.T. Sim