هل الذهب وزنة بينقص مع الاستخدام|

هل الذهب وزنه بينقص مع الاستخدام ؟
عارفة حضرتك ان الدهب وزنه بيقل مع الاستعمال 😳

واكتر عيار ممكن نلاحظ خسية بالوزن
هوا عيار ٢١ لانه ضعيف

خصوصا الغوايش لانها دايما فيها احتكاك ببعضهم بالاستخدام اليومي وصوت الشخللة 🪇🥁🪘
الي بتحبوه و ما اجمل الشخللة وانتم بتقطعوا البطة ده عباره عن احتكاك الغوايش وبعضها وده طبيعي لان الاحتكاك بيقلل من وزنهم الفعلي

فلو حد اشتري مثلا عدد ٤ غوايش واستعملهم لمدة سنه هيلاقي ان وزنهم ممكن ينزل ويقل كام مللي ،،،،،
علي حسب الاستخدام وحسب شكل الغويشة ✌️

يعني بعد عشر سنين استعمال ممكن يخسوا حوالي ٢.٥ جرام ل ٣ جرام وممكن اكتر بيحصل وممكن اقل وممكن ميقلش خالص حسب الاستخدام والشكل لكل غويشه
دي نقط لازم تعرفيها وانتي بتشتري وتخلي بالك بالاستخدام

الشخللة مش ببلاش حضرتك😀

نحافظ عليها طيب ازاي!

١- يفضل ترتديها بالايد الغير اساسية يعني لو حضرتك بتستخدمي ايدك اليمني يبقا ترتديها في الايد الشمال ✔️ والعكس صحيح ،،،،

٢- تشتري غويشة علي مقاس ايدك متكونش واسعه
لتقليل الحركة بين الغوايش✔️

٣- اشتري دايماً الغويشة وزن يعني لو بتقارني بين أن تشتري وزن ٣٠ جرام وعايزه تشتري 3 فرد
لا هاتي ٢ فقط الواحدة ١٥ جرام

٤- الافضل دايماً ميكونش ليها حواف بارزة زي مثلاً المجدولة هتتعرض اكتر للخسية أو الي ليها حواف أو اشكال بارزه
في غوايش زي السلك بتكون سمكها رفيع أو الغوايش المعرجة بتكون افضل لكن برده اهم حاجه الاستخدام
ده العنصر المؤثر الأهم
مثال للاستخدام
يعني لو بتخبطي علي ترابيزه أو بتضربي بأيدك اكيد الخبط دي معنا كان شكل الغويشة اكيد ده بيقلل من الوزن

الخرابيش علي الغويشه

طيب هل ممكن الوزن يزيد

دي نقطه ثانيه بنقابلها الغوايش مع الاستعمال
وخصوصا لو فاضيه من جوه أو الي فيها فتحه طبعا بتحوش وزن زياده مكان الاستعمال فعلشان كده لازم بيتحرقوا علشان يطلع الوزن الزياده اللي فيهم
الصائغ بيخدهم ويطلع بيهم على المحرقة . يعنى حاجة كده زى معمل
بمعني لو حضرتك شاريه ٤ غوايش وزنهم 50 جرام مثلا بعد اول سنه استعمال المفروض هيكون وزنهم مش 50 ممكن
الا كام مللي
لكن اذا وزنتيهم هتلاقيهم مثلا 50,55 جرام فعلشان كده لازم يتحرقوا علشان يتصفي وزنهم الفعلي
ده توضيح بسيط ليه الصاغه بتحرق المصوغات بكل أشكالها وانواعها عند البيع وليه ممكن الوزن بيختلف دايما عند البيع
#محمود_دسوقى
#الغوايش
#شروحات
#شراء_الذهب
#مجوهرات_الذهب
#مجوهرات
#غوايش
#ذهب
#الذهب
#ضربه
#ضرب
#يد
#ضيقه
#ذراع
#بطة
#بطاية