Pa Gjurme-Pas 4 vitesh bëhet i gjallë,babai mohon djalin/Nëna i kërkon live divorcin (8-12-2022)

#pagjurme #odetadume #reportTV Emisionin "Pa gjurmë" me moderatore Odeta Dume mund ta ndiqni nga e hëna në të premte në orën 16:00 në ekranin e Report Tv Ky është mesazhi që një 8-vjeçar i dërgon të atit, pasi ai e braktisi. Prej katër vitesh babai nuk ka kontakte me dy fëmijët e mitur. Në studion e emisionit ’Pa Gjurmë’ gruaja 33-vjeçe rrëfen këtë histori, e cila zë fill që prej vitit 2008. Të dy me origjinë nga Puka u njohën me shkuesi dhe kështu ranë dakord të lidhnin kurorë. Ata u zhvendosën në qytetin e Durrësit duke menduar se kështu do të ndërtonin një jetë më të mirë sëbashku. Morën një shtëpi me qira, ndërsa pak vite më pas, në jetë erdhi fëmija i tyre i parë. 36-vjeçari emigroi drejt Mal të Zi për të punuar, kohë në të cilën lindën edhe konfliktet e para mes çiftit. Paratë që ai fitonte nuk ia dorëzonte bashkëshortes edhe pse tashmë ishin prindër të një vajze, por nënës së tij. Në 7 vite martesë vështirësitë ekonomike shkaktonin shpesh konflikte. Kryefamiljari ikte dhe vinte jashtë vendit për të siguruar të ardhura, të mira materiale të cilat pak i shkonin familjes së tij.
Në vitin 2015 kur prisnin të bëheshin prindër të një djali, bashkëshorti emigron sërish. Për dy muaj me radhë ai humbi kontaktet me bashkëshorten shtatzënë dhe nuk u bë i gjallë. Periudhë e cila nuk u përjetua mirë nga bashkëshortja e cila madje rrezikoi të humbte fëmijën e saj. U desh kjo ngjarje në familje për ta kthyer më në fund në banesë kryefamiljarin. Situata u normalizua deri në vitin 2018, kur ai largohet sërish me pretekstin e punës. Por në fakt ndodhi e kundërta. Ai u kthye tek prindërit në Pukë duke ndërruar madje edhe numrin e telefonit. Kështu ai braktis sërish familjen e tij, duke mos e kthyer kokën pas, as për dy fëmijët e mitur 7 dhe 9-vjeçarë. Tentativës së gruas për të ditur shkakun, për të cilin burri u largua në këtë mënyre, ai iu përgjigj se nuk ishte më i intresuar për ta. Mesa duket 10 vite martesë i përkisnin të shkuarës, duke nënkuptuar se ai tashmë kishte vendosur të mohonte gjithkça, madje edhe fëmijët e tij. Këta të fundit kanë kërkuar gjithnjë të takohen me të atin, por ai gjithnjë u është shmangur. Ndaj si bashkëshorte, si nënë, si grua 33-vjecarja i drejtohet nga studio e emisionit ’Pa Gjurmë’ me një mesazh ish-partnerit të saj...