It’s Showtime December 24, 2025 | Full Episode

Pasko na ngani! Kaya ibaba na ang kilay and make peace sa mga naging kaaway. Hayaang maghari ang LOVE, JOY at HOPE sa ating mga puso.

Salamat, madlang people, dahil hindi kayo nang-iiwan. Thank you! Thank you! Ang babait ninyo! 'Yan ang sabi sa kanta ni Darren Espanto, na ginawan ng solo version ang 2014 ABS-CBN Christmas Station ID theme song, "Thank You, Ang Babait Ninyo."

Mga ka-birthday ni Jesus ang mga bida sa "Laro Laro Pick." Kaya naman 'Merry Christmas' na, 'Happy Birthday' pa! Doble ang saya! Dumoble rin kaya ang swerte nila?

Doble ang tawanan sa pagalingan ng punchline ng "It's Showtime" family. Kinaaliwan ang sunod-sunod na hirit ni Vice Ganda, na ni-relate sa Kapaskuhan ang mga pangalan ng players at hosts. Dagdagan pa ng mga jokes ni Jhong Hilario, feeling naka-jackpot ka talaga sa good vibes ngayong Pasko!

Si Jairus ang umabante sa jackpot round. He's turning 20 ngayong December 25. Sobra-sobra pa sa pambili niya ng paboritong makeup ang Li-Pot offer na P30,000. Pero tinanggihan niya no'ng una para sa P100,000 POT question. Nang kunin ni Vice Ganda ang envelope na naglalaman ng tanong, nagdalawang-isip si Jairus at humiling ng isa pang pagkakataon na piliin naman ang Li-Pot. Dahil panahon naman ng pagbibigyan, pumayag si Meme. Kaya naman naiuwi ni Jairus ang P30,000.

Bago pa man mag-alas dose ng hatinggabi, busog na sa good vibes ang madlang people. Excited na ba ang lahat sa Christmas Eve handaan? Ano’ng meron sa Noche Buena n’yo, guys?

Dito sa "TNT Duets 2," pinagsaluhan ang iba't ibang putahe ng kantahan. Medyo inalat ang performance ng duo nina Alexa Lim at Orfeshaine Quinones na sinubukang bigyan ng refreshing flavor ang Maroon 5 hit na "This Love." Nagtapos sa pagtunog ng gong ang kanilang pagtatanghal.

Komento ni hurado Erik Santos, maganda at kakaiba ang areglo ng kanta pero "hindi na-solidify." Sabi naman ni hurado Jonathan Manalo, simula pa lang ay naramdaman na ang "uncertainty" ng pares.

Sanib-pwersa naman sina Nowi Alpuerto at Isay Olarte sa pagkanta ng "Made For Me" ni Muni Long. Sa kulitan pagkatapos ng kantahan, dahil duets ang usapan, kumasa si

Jackie Gonzaga sa isang duet challenge with Isay. Pero bakit naman nabilangan sa unang linya pa lang? Magogong ba talaga forever si Ate Girl?

Automatic na itinanghal bilang daily winners sina Isay at Nowi matapos ma-gong ng naunang duo.

#ItsShowtimeOnline
#ItsShowtimeFullEpisode
#ABSCBNEntertainment
#CallMeShowtime