26 апреля 2020 г.

Башҡорт - татар бер үк ҡулдың
Ике бармағы һымаҡ.
Ай менән Ҡояш кеүектәр,
Айырым улар ни ҡылмаҡ?


Башҡорт -татар бер үк гөлдөң
Балҡыу сәсәге төҫлө.
Бер ағастың тамырҙары,
Шунда берҙәмлек көсө!

Башҡорт - татар бер атанан
Ер йөҙөнә таралған!
Ҡәрҙәшлекте өҫтөн күреп,
Татыу йәшәйҙәр һаман!

Башҡорт -татар бер йәйғорҙоң
Сағылышы күктәге.
Әммә улар бер иш түгел,
һәр береһенең үҙ тәме.


Төрлөнән хасил моңдарҙа
Балҡый улар, берегә!
Беҙ бит көслө дуҫлыҡ менән,
Беҙ бит мәңгегә бергә!

Гөлназ Ҡотоева