HACI QULİYEV : DÜNYADA ATA OBRAZI MƏHVƏ DOĞRU GEDİR !

HACI QULİYEV : DÜNYADA
ATA OBRAZI MƏHVƏ
DOĞRU GEDİR !

Çox təəssüflər olsun ki, dünya tendensiyası bu gün kişilərin söz haqqını kəsməklə yanaşı, ata obrazını da məhv etməyə çalışır. Övladlarımız da bilmədən bu psixoloji basqının altında ATA qədər müqəddəs bir varlığın inkarına dəstək olurlar.

İlk olaraq təbliğata dünyanın tanınmış simalarının, ataları haqqında dəhşətli-iyrənc həqiqəti əks etdirməyən həyat hekayələri ilə başlayaraq, ata obrazının sevgi və hörmətini darma-dağın etdilər. Daha sonralar dünyada mənəvi dəyərlərin dağıdılmasında bilavastə təsiri olan qüvvələr övladlarımızın beyninə “Atam mənimlə kobud davrandı ! ” “Atam anama qarşı şiddət göstərdi ! ” “Atam lazımı məqamda yanımda olmadı !” ifadələrini yeridərək ailə institutunun dağılmasına nail oldular.

Dünyada mənəvi dəyərləri məhv edən maraqlar, müqəddəs ailə dəyərlərinin, zombilərin, kamekadzilərin, feministlərin, individ kimi yetişdirilməsinə mane olduğu üçün əsasən ailə institutların dağılması uğrunda “uğurla” mübarizə aparmaqdadırlar.

Adətən dönə-dönə efirlərdə xatırlatdığım bir mövzunu bir daha yada salaraq, qeyd etmək istərdim ki, Rusiyyada qeyri-rəsmi nigahdan həyata gələrək və daha sonra atılan tənha- analar övladlarına “Sənin atan qəhraman idi və vəfat edib’ deyərək tərbiyə etməkləri , uşağın gələcəkdə atanın ruhundan güc alaraq həyatda bir qəhraman oğlu kimi yaşamasına böyük stimul olurdu. Və ya uşaqların hər zaman atalarını bir qəhraman gözündə görməkləri, onların hər kəsdən güclü olmağını qəbul etməkləri psixologiyası həyatda özlərini tapmağa, daha əmin addımlarla iraliləməyə böyük güc olurdu.

Bü gün isə gördüyümüz səhnə tam başqadır. Cahil psixologiyaya malik analar, onların təhsiri altında olan övladlar, yuxarıda qeyd etdiyim ailə institutlarını dağıtmaq marağında olan qüvvələrin psixoloji təsiri nəticəsində güc ilhamı ATA ların obrazlarını məhv edərək həm öz şəxsi həyatlarına, həm övladlarının həyatlarına ən böyük zərbəni vurmaqdadırlar. Mövcud zamanda əksər ATA lar əsasən cılız , gücsüz , hər kəsin qınaq mərkəzi olan və övladlarından imdad istəyən bir obrazı xatırlanır.

Yekun olaraq demək istərdim ki, Milli-mənəvi dəyərlərimizin qorunması yönündə birləşməsək və ölkənin ailə institutları bu məsələ üzərində ciddi çalışmalar etmərsə ən qısa zaman ərzində təəssüflər olsun ki, ən ağır fəsadlarını bərabər şahidi olacayıq.