وحدات ال ups و تركيبها و أنواعها و مواصفاتها و ازاي بيتم حساب قدرتها

ال ups هي اختصار لكلمة uninterruptible power supply او ما يعرف باسم مزودات الطاقة الاحتياطية و وظيفة اللوحة دي هي تغذية الحمل في حالة انقطاع الكهربا من المصدر الأساسي علشان يستمر عمل الاحمال دي في وقت انقطاع التيار الكهربي فيقدر المستخدم انه يكمل شغل من غير ما يفقد أي بيانات محفوظة لمده زمنيه معينه طب هتقولي ما ده نفس الفكره بالنسبه للمولد الكهربي اللي هو diesel generator اللي بيستخدم برده علشان يشغل الأجهزة المهمه في حاله انقطاع الكهربا هقولك لا هنا في فرق مهم و جوهري بينهم و ده اللي بيميز أجهزة ال ups عن ال generator و هو ان لما بيتم انقطاع التيار الكهربي من المصدر الأساسي بيحتاج ال generator عدد من الثواني او الدقائق علشان يشتغل و يبدأ يغذي الاحمال المتوصل بيها و علي الرغم من صغر الفتره الزمنيه دي الا ان في أجهزة مينفعش ينقطع عنها التيار ابدا و مينفعش تفصل زي الأجهزة الطبيه اللي لو فصلت لمده دقائق ممكن تتسبب في وفيات كتيره و زي أجهزة الامن و الإنذار اللي لو فصلت لمده دقائق ممكن تتسبب في تعرض ناس كتير للخطر و المشاكل و هنا بتيجي النقطه اللي بتميز ال ups عن ال generator و هو ان لما الكهربا بتفصل من المصدر الرئيسي الأجهزة و الاحمال مبتفصلش لانها بتكون متوصله بوحدات ال ups لانها بتكون في حاله تشغيل مع الحمل في الفتره اللي بيحتاجها ال generator علشان يبدأ يشتغل علشان كده هنلاقي ان فكتير من أنظمة ال emergency اللي هي أنظمة الطوارئ بيتم استخدام ال ups و ال generator الاتنين مع بعض بحيث ان لما الكهربا تقطع يغذي ال ups الاحمال اللي عندنا لحد ما ال generator يبدأ يشتغل و هنا يفصل ال ups و يبدأ ال generator هو اللي يغذي الاحمال اللي عندنا لحد ما التيار يرجع من المصدر الأساسي و بكده تبقي احمال الطوارئ عندنا مفصلتش ابدا.
ال ups هي عبارة عن شبكة من التغذية الكهربية الفورية للأجهزة اللي بتتأثر بانقطاع التيار و لو لوقت قليل زي أجهزة الكومبيوتر و أجهزة الامن و الأجهزة الطبية ف باختصار ال ups بتستخدم علشان تغذي الأجهزة اللي مينفعش تفصل عنها الكهربا و لو حتي لزمن قليل و بتتكون الشبكة دي في الاغلب من بطاريات بجهد 12 فولت و بتتوصل مع بعضها علي التوالي علشان توصل لجهد الشبكة العامة اللي بيكون 110 فولت او 220 فولت علي حسب البلد ده لو كان سينجل فيز او 380 فولت في حاله الثري فيز و بيكون عددها حسب الاستطاعه اللازمة للأجهزة المهمه اللي بتحتاج للنوع ده من التغذية الفورية و بعدين بيتحرك التيار من البطاريات الي الانفرتر علشان يتم تحويل التيار المستمر اللي هو dc current بتاع البطاريات الي تيار متناوب اللي هو ac current بنفس التردد بتاع الشبكة العمومية و بعدين يبدأ يغذي الأجهزة المهمه دي عن طريق لوحات خاصه بالاجهزة دي.
و بيتكون ال ups من 3 مكونات اساسيه و هما موحد التيار ال rectifier و ده بيقوم بتحويل التيار المتردد ال ac اللي جاي من المصدر الرئيسي لتيار مستمر dc علشان تشحن البطاريات و تاني حاجه و هي البطاريات ال batteries علشان تخزن التيار المستمر و تالت حاجه و هي ال inverter علشان تحول التيار المستمر اللي جاي من البطاريات لتيار متردد علشان تغذي الاحمال.
و بيتم توصيل ال ups مع ال generator عن طريق لوحة ats اللي هو اختصار لكلمة automatic transfer switch بحيث انها بتحتوي على مدخلين و مخرج واحد فمدخل بيكون جاي من مصدر التغذية الرئيسي و التاني بيكون جاي من الgenerator و المخرج بيتوصل بالاحمال و ال ups.
صفحة القناة على الفيس:  / power-energia-104276301570091