Pahlavon Mahmud maqbarasi tarixi | Durdiyev Bekdurdi

Ushbu video TDShU talabasi Durdiyev Bekdurdi Jumanazar oʻgʻli tomonidan "Raqamli tarix" fani bo‘yicha yakuniy imtihon loyihasi doirasida tayyorlangan.

Mavzu: Pahlavon Mahmud maqbarasi tarixi
Tadqiqot metodi: Og‘zaki tarix.
Manzil: Xorazm viloyati Xiva tumani Ichan qalʼa

Tarixiy ma'lumot: Pahlavon Mahmud maqbarasi Xorazm vohasining eng muqaddas va tarixiy yodgorliklaridan biri bo‘lib, u Xiva shahridagi Ichan qal’a majmuasida joylashgan. Mazkur maqbara Xiva me’morchiligining eng yetuk namunalaridan hisoblanadi va asrlar davomida nafaqat ziyoratgoh, balki ma’naviy markaz sifatida e’zozlanib kelinadi.
Pahlavon Mahmud (taxminan 1247–1326-yillar) tarixda mashhur polvon, shoir va tasavvuf ahli sifatida tanilgan. U asl kasbi bo‘yicha po‘stindo‘z (teridan buyumlar tayyorlovchi usta) bo‘lgan. Manbalarda uning nihoyatda kuchli, halol, kamtar va xalqparvar inson bo‘lgani ta’kidlanadi. Pahlavon Mahmud o‘z davrida kurash musobaqalarida g‘olib chiqqan, shu bilan birga chuqur falsafiy va axloqiy mazmunga ega ruboiylar yozgan. U asosan fors-tojik tilida ijod qilgan bo‘lib, asarlarida insoniylik, adolat, sabr-qanoat va kamtarlik g‘oyalari ilgari surilgan.

Suhbatdoshlar (Informantlar):
1. Ollabergan Nuriyev— (1963-yilda tug‘ilgan), tarixchi-Gid
2. Tojiboy Yusupov— (1959-yilda tug‘ilgan)

Qisqacha mazmuni: Videoda Xorazm viloyati Xiva tumani Ichan qalʼa hududidagi Pahlavon Mahmud maqbarasi haqida maʼlumotlar berilgan. Uning tarixi va qurilish dizayni haqida maʼlumotlar olishingiz mumkin
Video davomida maqbara tarixi uning qurilish texnikasi haqida so‘zlab beradilar.