SOBAAN KAKKATTEE ADUURREE,NAMAAF SAREE DEESSE!!!!

Uummanni Oromoo Arsi seera aadaa fi Gadaa irratti hundaa’e qaba. Yeroo rakkoon uumamu, namoonni gara jaarsolii fi Abbootii Gadaa deemu.
Murtiin bakka kanaa, murtii Waaqaa fi dhugaa irratti hunda’eedha.

Seera kana keessatti,dhugaa dhoksuu fi badii raawwatame waakkachuun yakka cimaadha.

Alangeen harkatti qabatanii qoraa murtiif taa'an sirna aadaaf seera koottu dhufee oromoo arsii biratti hiikkaa guddaa akka qabdu kan nutti himan walitti qabaa mana murtii oldabarfannaa kutaa magaa allachee abbaa gadaa bushuushee buttaati.

Alangeen arraba tokkoo qortichaan qabatamtus, hiikka of danda'e akka qabdu kan nutti hime  ammoo Abbaa murtii mana murtii aadaa  Nugusee ......ti

Kanaaf Alangee tana duratti namni soba dubbate,adabbii Waaqaa jalaa hin hofolu. 
Haaluma kanaan,Uummata Oromoo Arsi gidduutti rakkoofi falmii uumamuuf furmaanni seera aadaa irratti hunda’e jira.

Sirni kun Jaarsummaa” fi Gadaa,irratti,ijaarame.Jaarsoliin kanneen umrii,beekumsa fi sadarkaa qaban gara murtii fi araaraatti nama deemsisu. 

Seerri aadaa Oromoo, dhugaa fi obsa irratti ijaarame waan ta'eef namni dhugaa dubbachuu qaba

Manni,murtii,aadaas,hundeeffama isaatirraa kaasee hojiin isaa bal’aa fi bu’aa qabeessa Rakkoo maatii,daangaa lafaa, qabeenya,fuudhaaf heerumaa fi waldhabbii hunda irratti, dhugaa dabdeef dhugaa badde tasgabbiin abbaa dhugaatiif galchaa jira.

Abbaa Gadaa Bushuushee Buttaa walitti qabaa dhaddacha ol dabarfannaa kutaa magaalaa allacheeti.