«ВАХТА» жобасы - «Қаражанбас» мұнай айдау станциясы

📢 Вахтадағы өмірмен танысуымыз жалғасуда!
«ВАХТА» тележобасының жаңа шығарылымында мұнайлы Маңғыстаудағы «Қаражанбас» мұнай айдау станциясының тыныс-тіршілігі баяндалады. Маңғыстау мұнай құбыры басқармасына қарасты бұл станция – стратегиялық маңызы зор нысандардың бірі. Мұнай айдау станциясы ұжымының негізгі міндеті – мұнайды қабылдау, сақтау және оны «Қаламқас–Қаражанбас–Ақтау» магистральдық құбыры арқылы тасымалдау.

Осы шығарылымда сіз «Қаражанбас» МАС қызметкерлерінің жұмыс күндерінің қаншалықты қызықты әрі мәнді екенін көресіз. Мұнда тек кәсіби мамандар ғана емес, спортқа және шығармашылыққа жаны жақын талантты адамдар жиналған. Бірі - қылқалам шебері ретінде өнерімен таң қалдырса, енді бірі спорт алаңында үздік атанып жүр. Қызығушылықтары әр түрлі болса да, барлығы «Қаражанбас» мұнай айдау станциясында үлкен отбасыдай еңбек етіп келеді.

📍 Вахталық әдіспен жұмыс істейтін қызметкерлер үшін станцияда барлық жағдайлар жасалған: заманауи жатақхана, асхана, спорт алаңы. Тележоба үздіксіз мұнай тасымалын қамтамасыз ететін мамандардың күнделікті еңбегін ғана көрсетіп қоймай, олардың бос уақыттағы хоббиімен де таныстырады. Бір сөзбен, «ҚазТрансОйл» компаниясында бірлігі мен достығы жарасқан мықты майталмандар мен жан-жақты тұлғалар еңбек етеді.