Ruajtja dhe perdorimi i varieteteve autoktone e tradicionale.

Mbledhja e Bashkëpunimit të Rrjetit Ballkanik te Farër ave, nën organizimin e Prof.Dr. Fetah Elezi, drejtues i Shoqatës së Resurseve Gjenetike të Bimëve.Në këtë mbledhje morën pjesë përfaqsuesit e këtij rrjeti nga: Greqia, Rumania, Bullgaria, Kroacia, Serbia, Bosnja dhe Shqipëria.
Prof. Dr. Fetah Elezi ju uroj të ftuarëve mirseardhjen në Shqipëri dhe në Belsh, si dhe ju prezantoi pasuritë e veçanta natyrore të zonës së Dumresë, punën që bëhet në shkallë vendi për njohjen, ruajtjen e përdorimin e varieteteve autoktone e tradicionale, si dhe domosdoshmerine e shtimit të përdorimit të tyre nga fermerët dhe njësitë e agroturizmit. Drejtuesi i këtij Rrjeti, Dr. Kostas Kuotis (Greqia), vlerësoi arritjet e dertanishme të Bashkëpunimit midis vendeve të Ballkanit si dhe theksoi domosdoshmërinë e zgjerimit të përdorimit me përparësi të varieteteve tradicionale në prodhimin e produkteve organike.
Përfaqësuesit e vendeve të tjera, sollën përvojën e tyre në këtë fushë si dhe trajtuan problemet e bashkëpunimit në të ardhmen.Pas seancës të paradites, pjesmarrësit zhvilluan një vizitë në Bazën Eksperimentale të Qendrës së Resurseve Gjenetike në fshatin Hardhi. Në këtë Qendër ata vizituan koleksionin e farërave, procesin e përpunimit e të përgatitjes së farave, Bankën e Farave si dhe fushat eksperimentale.
Qendra i dhuroi secilit nga pjesëmarrësit nga një paketë me mostra fare nga 15 varietete të ndryshme tradicionale. Në vazhdim vizituan Qendrën e Grumbullimit të Bimëve Medicinale dhe Aromatike të Kompanisë “BioBes”, në Belsh. Përgjegjësi i Qendrës Z.Ilir Shtylla, i njohu vizitorët me punën shumë të mirë që bëhet për prodhimin, grumbullimin, përpunimin dhe eksportimin e këtyre produkteve. Gjithashtu ai i dhuroi çdo vizitori nga një pako me produktet e bimeve medicinale dhe aromatike. .Në mbyllje Dr.Kostas Kuotis porositi që të zgjerohet bashkëpunimi në fushën e aplikimit dhe të zbatimit të projekteve të përbashkëta në këtë fushë tek institucionet e Bashkimit Europian por edhe tek donator të tjerë si FAO, UNDP etj...