БМЗ гандлюе з ААЭ і Турцыяй, а абыходзіць санкцыі праз літоўскую кампанію

У сакавіку 2022 года Еўрасаюз увёў абмежаванні на метал з Беларусі. З 3 жніўня 2023-га "Беларускі металургічны завод" асобна ўнесены ў санкцыйны спіс ЕС. Але БМЗ працягвае гандляваць з Еўропай.

Знойдзеныя намі дакументы сведчаць, што абыход санкцый наладжаны праз літоўскую кампанію Milca Baltija. Яе кантракт з БМЗ дзейнічае з 31 траўня 2022 года. На той момант абмежаванні супраць беларускага металу дзейнічалі ўжо амаль тры месяцы.

Яшчэ адзін партнёр Беларускага металургічнага завода — турэцкая кампанія KB Global Dış Ticaret Ve Makina Sanayi Limited Şirketi. Гэта пастаўшчык прадукцыі на БМЗ. Журналісты заўважылі, што ў адным з кантрактаў сярод кантактаў пазначаны ўкраінскі тэлефонны нумар. Яго ўласніка ўдалося ідэнтыфікаваць, ім аказаўся грамадзянін Украіны Аляксандр Біенка.

У размове з Еўрарадыё ён пацвердзіў, што працуе ў KB Global і датычны да ўгодаў з Беларускім металургічным заводам. Больш за тое, Біенка пагадзіўся дапамагчы прадаць еўрапейскае абсталяванне для БМЗ праз пасярэдніка KB Global — так, каб еўрапейская кампанія наўпрост не мела кантракту з БМЗ, бо на яго ў Еўропе накладзеныя абмежаванні.

Падрабязнасці — на сайце Еўрарадыё: https://euroradio.fm/bmz-gandlyue-z-aae-i-...