Seyid Kadri Haşimi: Dilê Min Tu Dilê Min Okuyan: Seyid Beşir Doru

Seyid Kadri Haşimi: Dilê Min Tu Dilê Min
Okuyan: Seyid Beşir Doru

1.
Were dilber tû derman ke dilê min tû dilê min
Hicab û perdeyan ra ke dilê min tû dilê min

2.
Tû mihraba dilê dil de musawa ke nebit 'eyb
Xirab û lariyan ra ke dilê min tu dilê min

3.
Xetarê dil tu berbad ke xirab û xwehriyan rast ke
Xeta û sehwînan ça ke dilê min tu dilê min

4.
Xiyal û xetriyan ra ke dilê min nûr û husna ke
Şebîhê bûk û zava ke dilê min tu dilê min

5.
Tu husnê dil bixemlîne bi nûrê sedrî zerrîne
Bi zemrûdan bi'edlîne dilê min tu dilê min

6.
Bixemlîne bi zemrûdan bi le'l û cewher û cûdan
Digel van mezmer û 'ûdan dilê min tu dilê min

7.
Bi 'ûdê tu ji dilî ra ke bi şox û şeng û re'na ke
Dilê min mîr û paşa ke dilê min tu dilê min

8.
Bike paşa dilê min dil bi emrê sani'ê 'adil
Bi şewqa pertewa fadil dilê min tu dilê min

9.
Bi şewqa pertewa xedre bineqşên neynika bedre
Şev û roj her li min qedr e dilê min tu dilê min

10.
Hemî şev leyletu'l-qedr in şevê muzlim li min bedr in
Sema û 'erd li min xedr in dilê min tu dilê min

11.
Dilê min tu dilî şa ke bi dîma xû tu bala ke
Bi rîşê pur perî pak e dilê min tu dilê min

12.
Bi rîşûpakê tebrîzî ji dilê min tu çi xwûn-rîz î
Weku şemsê şeker-rîz î dilê min tu dilê min

13.
Wekû şemsê tu perwaz ke li ser kuh û hûma la ke
Bi qefqef qafê qafa ke dilê min tu dilê min

14.
Bi qafê ta biqafafe bi sehwî cumle ta kaf e
Bikin seyran bi "la-la" ve dilê min tu dilê min

15.
Biçin 'la-la' û 'la-la-la' biçin tev em biçin bala
Be "hû-hû"î der bala dilê min tu dilê min

16.
Bi heqê 'hû'yê derya 'hû' ji 'erşillah ta mahû
Ne meqsud im ji xeyri 'hû' dilê min tu dilê min

17.
Ne meqsud im ji xeyrillah me dil bi tûr û beytullah
Muhemmed ya hebîbellah dilê min tu dilê min

18.
Me sirrê sir ji hebibullah me "hû-hû" dil ji bazillah
Muhemmed 'arifê billah dilê min tu dilê min

19.
Muhemmed 'aşiqê billah Hisamuddin emînullah
Dilê Qedrî de maşallah dilê min tu dilê min