Shri Kundalini Stuti Stotram (with meaning in Hindi) श्री कुंडलिनी स्तुति स्तोत्रम्

Shri Mataji
Voice: Anjali Kadri
[email protected]

download pdf for text :
https://docs.google.com/document/d/10...

|| श्री कुण्डलिनीस्तुतिस्तोत्रम् ||
ॐ जन्मोद्धारनिरीक्षणीहतरुणी वेदादिबीजादिमा
नित्यं चेतसि भाव्यते भुवि कदा सद्वाक्यसञ्चारिणी
मां पातु प्रियदासभावकपदं सङ्घातये श्रीधरा !
धात्रि ! त्वं स्वयमादिदेववनिता दीनातिदीनं पशुम् ||१||

रक्ताभामृतचन्द्रिका लिपिमयी सर्पाकृतिनिर्द्रिता
जागृत्कूर्मसमाश्रिता भगवती त्वं मां समालोकय
मांसोद्गन्धकुगन्धदोषजडितं वेदादि कार्यान्वितम्
स्वल्पस्वामलचन्द्रकोटिकिरणैर्नित्यं शरीरम् कुरु ||२||

सिद्धार्थी निजदोषवित्स्थलगतिर्व्याजीयते विद्यया
कुण्डल्याकुलमार्गमुक्तनगरी माया कुमार्गःश्रिया
यद्येवं भजति प्रभातसमये मध्याह्नकालेSथवा
नित्यं यः कुलकुण्डलीजपपदाम्भोजं स सिद्धो भवेत् ||३||

वाय्वाकाशचतुर्दलेSतिविमले वाञ्छाफलोन्मूलके
नित्यं सम्प्रति नित्यदेहघटिता साङ्केतिता भाविता
विद्या कुण्डलमानिनी स्वजननी माया क्रिया भाव्यते
यैस्तैः सिद्धकुलोद्भवैः प्रणतिभिः संस्तोत्रकैः शम्शुभिः ||४||

वाताशङ्कविमोहिनीति बलवच्छायापटोद्गामिनी
संसारादि महासुखप्रहरिणी ! तत्र स्थिता योगिनी
सर्वग्रन्थिविभेदिनी स्वभुजगा सूक्ष्मातिसूक्ष्मा परा
ब्रह्मज्ञानविनोदिनी कुलकुटीराघातनी भाव्यते ||५||

वन्दे श्रीकुलकुण्डलीत्रिवलिभिः साङ्गैः स्वयंभुप्रियां
प्रावेष्ट्याम्बर चित्तमध्यचपलां बालाबलानिष्कलाम्
या देवी परिभाति वेदवदना सम्भाविनी तापिनी
इष्टानां शिरसि स्वयम्भुवनिता सम्भावयामि क्रियाम् ||६||

वाणी कोटिमृदङ्गनादमदना निःश्रेणिकोटिध्वनिः
प्राणेशी प्रियताममूलकमनोल्लासैकपूर्णानना
आषाढोद्भवमेघराजजनितध्वान्ताननास्थायिनी
माता सा परिपातु सूक्ष्मपथगा ! मां योगिनां शङ्करी ||७||

त्वामाश्रित्य नरा व्रजन्ति सहसा वैकुण्ठकैलासयोः
आनन्दैकविलासिनीम् शशिशतानन्दाननां कारणम्
मातः श्रीप्रियकुण्डली प्रियकले काली कलोद्दीपने !
तत्स्थानं प्रणमामि भद्रवनिते ! मामुद्धर त्वं पथे ||८||

कुण्डलीशक्तिमार्गस्थं स्तोत्राष्टकमहाफलम्
यः पठेत् प्रातरुत्थाय स योगी भवति ध्रुवम्
क्षणादेव हि पाठेन कविनाथो भवेदिह
पवित्रौ कुण्डली योगी ब्राह्मणीनो भवेन्महान्
इति ते कथितं नाथ ! कुण्डलीकोमलं स्तवम्
एतत् स्तोत्र प्रसादेन देवेषु गुरुगीष्पतिः
सर्वे देवाः सिद्धियुता अस्याः स्तोत्रप्रसादतः
द्विपरार्धं चिरञ्जीवी ब्रह्मा सर्वसुरेश्वरः

इति श्री आदिशक्ती भैरवी विरचितम्
श्री कुण्डलिनीस्तुतिस्तोत्रम् सम्पूर्णम् || ॐ

Shrī Kuṇḍalinī-Stuti-Stotram

Janmoddhāra-nirīkshaṇī-hataruṇī vedādibījādimā
nityam chetasi bhāvyate bhuvi kadā sadvākya-sañchāriṇī
mām pātu priyadāsa-bhāvakapadam saṅghāyate shrīdharā
dhātri tvam svayamādi-deva-vanitā dīnātidīnam pashum .......1

raktābhāmṛta-chandrikā lipimayī sarpākṛtirnidritā
jagṛt-kūrma-samāshritā bhagavatī tvam mām samālokaya
maoṅsodgandha-kugandha-doṣha-jaḍitam vedādi kāryānvitam
svalpasvāmala-chandra-koṭi-kiraṇairnityam sharīram kuru.....2

siddhārthī nija-doṣha-vitsthala-gatir-vyājīyate vidyayā
kuṇḍalyā-kula-mārga-mukta-nagarī māyā kumārgah-shriyā
yadyevam bhajati prabhāta-samaye madhyāhna-kālethavā
nityam yah kula-kuṇḍalī-japa-padāmbhojam sa siddho bhavet...3

vayvākāsha-chaturdaleti-vimale vāñchhāphalonmūlake
nityam samprati nitya-deha-ghaṭitā saṅketitā bhāvitā
vidyā kuṇḍala-māninī sva-jananī māyā kriyā bhāvyate
yaistaih siddha-kulod-bhavaih praṇatibhih saoṅstotrakaih shambhubhih..4

vātā-shaṅka-vimohinīti balavat-chhāyā-patod-gāminī
saoṅsārādi mahāsukha-prahariṇī tatra sthitā yoginī
sarva-granthi-vibhedinī sva-bhujagā sūkshmāti-sūkshmā parā
brahma-dñyāna-vinodinī kula-kutīrāghātinī bhāvyate..........5

vande shrī-kula-kuṇḍalī-tri-valibhih sāṅgaih svayambhu-priyām
prāveṣhṭyāmbara-chitta-madhya-chapalām balābalā-niṣhkalām
yā devī paribhāti veda-vadanā sambhāvinī tāpinī
iṣhtānām shirasi svayambhu-vanitā sambhāvayāmi kriyām.......6

vaṇī koṭi-mṛdaṅga-nāda-madanā nih-shreṇi-koti-dhvanih
prāṇeshī priya-tāma-mūlaka-manollāsaika-pūrṇānanā
āṣhaḍhod-bhava-megha-rāja-janit-dhvāntānanā-sthāyinī
mātā sā paripātu sūkshma-pathagā mām yoginām shaṅkarī.......7

tvāmāshritya narā vrajanti sahasā vaikuṇṭha-kailāsayoh
ānandaika-vilāsinīm shashi-shatā-nandānanām kāraṇam
matah shrī-priya-kuṇḍalī-priyakale kālī kaloddipane
tatsthānam praṇamāmi bhadra-vanite mamuddhara tvam pathe....8

kuṇḍalī-shakti-mārgastham stotrāṣhṭaka-mahā-phalam
yah paṭhet prātarutthāya sa yogī bhavati dhruvam
kshaṇādeva hi pāṭhena kavinātho bhavediha
pavitrau kuṇḍalī yogī brāhmaṇīno bhaven-mahān
iti te kathitam nātha kuṇḍalī-komalam stavam
etat stotra-prasādena deveṣhu gurugīṣhpatih
sarve devāh siddhiyutā asyāh stotra-prasādatah
dviparārdham chirañjīvī brahmā sarva-sureshvarah

iti Shrī Ādishakti Bhairavī virachitam
Shrī kuṇḍalinī-stuti-stotram sampūrṇam Aum