Cəlilabadda su arxından tarixi küp tapıldı - BAKU TV

Cəlilabadın Musalı kəndinin şimal-şərqində, Talış dağlarının şimal qurtaracağında yerləşən "Qazan köşkü" abidəsinin yaxınlığında tapılan tarixi küp uzun illərdir ki, qorunub saxlanılır.
Təsadüf nəticəsində aşkarlanan bu tarixi eksponatı tapıldığı ərazidən götürərək Soltankənd sakini Amil Ağayevin həyətində yerləşdiriblər.
İndiyə qədər bir sıra tarixi tədqiqatçılar, mütəxəssislər məhz bu küpü görmək üçün Soltankəndə gəliblər. İlkin təhlillərə görə, tarixi tapıntı 7-10-cu əsrlərə aiddir və təsərrüfat məqsədilə istifadə edilib.
Maraqlısı isə odur ki, küpün tapıldığı ərazidə zaman-zaman maddi mədəniyyət nümunələrinin qalıqları aşkarlanıb. Təsərrüfat küpləri ilə yanaşı, qəbir küplər də tapılıb.
Mütəxəssislərin fikrincə, sözügedən küpün tam şəkildə aşkarlanması onu deməyə əsas verir ki, tapıntı tarixi eksponat kimi daha əlverişli tədqiqat subyekti ola bilər.
Küpün qorunmasını təmin edən kənd sakinlərinin dediyinə görə, onlar "Qazan köşkü" ətrafında tapılan küpün əlaqədar orqanlara verilməsi üçün müracət ediblər. Tarixi tapıntının yaxın günlərdə Cəlilabad Rayon Tarix-Diyarşünaslıq Muzeyinə aparılacağı gözlənilir.

Abunə ol: https://shortest.link/oso0
https://t.me/bakutvxeber
  / www.baku.tv  
  / baku.tv  
  / bakutvofficial  
https://www.baku.tv
Cəlilabadda su arxından tarixi küp tapıldı - BAKU TV
*****

℗ 2022 - 2023 © All Rights Reserved ℗ "Baku TV" LLC
Cəlilabadda su arxından tarixi küp tapıldı - BAKU TV
*****

#celilabad #tarixikup #tapinti