يذبحنا الفراق | الشيخ حسين الأكرف | يوم 20 صفر 1447 هـــ

🏴 يوم ٢٠ صفر ١٤٤٧ هـ 🏴 ‎

📍 حسينية آل ماجد - العراق - كربلاء المقدسة

[يذبحنا الفراق ]

🔹أداء :
الشيخ حسين الأكرف

🔹كلمات :
سيد علوي الغريفي
——————————————
🔹الكلمات :

عنّك يـمولاي
يذبحنه لـفراق
للموسم الجاي
بدّينه نشتاق
آه آه من كلمة "اوداع"
آه آه والفرگه أوجاع
يذبحنه لـفراق


١

انته جرحي ويمّـك أتعافـه
يلّي ذِبْلت بالظمه اشفافـه
يا طبيبي.. وعلّـة اجروحي
مانه رايد منّك أتشافه !

من اجيك بشوقي واظمايه
ألگى شبّاكك يمد مايـه
أقره: "فاْصبِر" بس يبو اسكينة
مرقدك مُستثنى مِن لايه

ما أريد أكثر بعد.. قانع ابقليلك
خايف آنه امن أبتعد ما أردّ أجيلك

شوفتك شوفة نهر
فرگتك كسرة ظهر
يابوسكنه / انته لله
الطريق المُختصر

هذا حال اللي ابتعَد
روح وتطلع من جسد
خلني يمّك / كل حياتي
ما أريد أكثر بعد

——————-

أجيك ابقلبي جم جابر يحنّ لَريحك
ولا رايد قميص أشتم.. ردِت ضريحك
مانه گد هالفراق / طبعي يمّك أشتاق
طبيبي انته وعطر صحنك دوه جريحك

يلوداعك يجرح إحساسي
يا أعز من كل هلي وناسي
عندي بس هالأمنية بقلبي
خلني يمّك لاخر انفاسي

ماشي بجروحي / وانه الميّت عطش
ساعة اوداعك / مثل ليل احدعش

أريد أتعنّه كل عام
واجيك بدمعة آلام
بدونك مُرّه الايام
حبيبي يا حُسين

أودعَك وارجع أشتاق
أبد مَتحمّل افراق
حنيني بطبعه حرّاق
حبيبي يا حُسين



———-

٢

جيتك امن السفره يـوليدي
يا ملامح بسمتي وعـيدي
الرباب آنه يعبدالله
وبعده يبني اگماطك ابإيدي

مرّت أيام انته مو صوبي
جم وصل عمرك يمحبوبي!
أمشي وأشتَم ريحة اگماطك
عمية عيني وشوگي يعقوبي

آنه أكثر من شهر ناحله بمسيري
جسمك بنزفه اندفن وينه يا صغيري

ماكو علـ طولك نعَش
ياللي بالنبله ارتعش
مرتوي يا / كل حياتي
وإلّا بعدك بالعطش !

ودّي قبرك ألمحه
وأقرا ليك الفاتحة
حلمي تطلع / يبني نايم
وأسمع: اوليدچ صحى

—————-

يعبدالله أجيك امن السفر نحيله
يغالي اعله الفقد ما بيدي يبني حيله
حزني ناهز ادهور / وانته عمرك شهور
اجيت ابأربعينك والدمع أسيله

يبني مِتّ ابكربله ظامي
ومنحرك منّ السهم دامي
انته ميّت يبني بسهامك
وآنه ميته بحرگة اخيامي

آه يعبدالله / عن امّك تبتعد
والمعين الله / على جرح الفقِد

تظلّ انته اويه لِسهام
واروح بحزني للشام
في سفرة شوق وآلام
يگيدونه بحبل

فداك اقليبي والروح
يأصغر من هالجروح
تظل عالغبرة مذبوح
وأروح اعله الهزل
—————————————
‏Chapters:

‏‎00:00 - يذبحنا الفراق
‏‎00:46 - انته جرحي
‏‎12:16 - جيتك امن السفره
—————————————
الموقع الرسمي
http://husseinalakraf.com/
——————————————
تابعونا عبر وسائل التواصل:
الانستغرام:   / alakraf_ofc  
الفيس بوك:   / alakraf.ofc  
الساوند كلاود:   / alakraf_ofc  
تويتر:   / alakraf_ofc  
—————————————