Rajeev BJP രാജീവ് പെന്തോകളോട് മാപ്പ് ചോദിക്കരുത്...

രാജീവ് ചന്ദ്രശേഖരന്റെ പ്രസ്താവന രാഷ്ട്രീയ പ്രേരിതം.
പെന്തകോസ്ത് സഭകൾ
മത പരിവർത്തനവും മനുഷ്യക്കടത്തും നടത്തുന്നവരാണെന്നുള്ള ബിജെപി സംസ്ഥാന പ്രസിഡൻ്റ് രാജീവ് ചന്ദ്രശേഖരന്റെ പ്രസ്താവന രാഷ്ട്രീയ പ്രേരിതവും ദുഷ്ടലാക്കോടുകൂടിയതുമാണ്. കഴിഞ്ഞ പാർലമെൻ്റ് തെരഞ്ഞെടുപ്പിൽ പെന്തകോസ്ത് വോട്ടർമാർ കൂടുതലുള്ള തിരുവനന്തപുരം ലോക്സഭാ മണ്ഡലത്തിൽ സഭാഹാളുകൾ കയറിയിറങ്ങിയ രാജീവ് ചന്ദ്രശേഖർ തെരഞ്ഞെടുപ്പിൽ തോറ്റതിൻ്റെ ജാള്യത മറയ്‌കാനും വർഗീയ ശക്തികളെ തോൽപ്പിക്കാൻ ശക്തമായ നിലപാടെടുത്ത വിശ്വാസി സമൂഹത്തോടുള്ള അനിഷ്ടവുമാണ് ഇത്തരം പ്രസ്താവനയ്ക്ക് കാരണം. ഇതേ രാജീവ് ചന്ദ്രശേഖർ നിലമ്പൂർ ഉപതെരഞ്ഞെടുപ്പിൽ വോട്ട് പിടിക്കാൻ പെന്തകോസ്ത് സഭാ ഹാളുകൾ കയറി ഇറങ്ങുന്നത് കണ്ടു. അവിടെയും വോട്ട് കിട്ടിയില്ല. ക്രിസംഘികളെ സുഖിപ്പിക്കാൻ വേണ്ടി പെന്തക്കോസ്‌ത്കാരുടെ നെഞ്ചത്ത് കയറാൻ വരണ്ട. ഇനിയും വരുന്ന ത്രിതല പഞ്ചായത്തു തെരഞ്ഞെടുപ്പിലും നിയമസഭാ തിരഞ്ഞെടുപ്പിലും പ്രബുദ്ധരായ വിശ്വാസി സമൂഹം ശക്തമായി പ്രതികരിക്കും.
ഇരയോടൊപ്പം നടക്കുകയും വേട്ടക്കാരനോടൊപ്പം മേയ്യുകയും ചെയ്യുന്ന പരിപാടി അവസാനിപ്പിക്കണം.
ഏത് പൗരനും ഇഷ്ടമുള്ള മതം സ്വീകരിക്കാനും ആചരിക്കാനും പ്രചരിപ്പിക്കാനും രാജ്യത്തിൻ്റെ ഭരണഘടന സ്വാതന്ത്ര്യം നൽകുന്നുണ്ട്(ആർട്ടിക്കിൾ 19,24,25,39,40). ഇത് ആരുടെയും ഔദാര്യമല്ല. പൗരന് രാജ്യത്ത് എവിടെയും സഞ്ചരിക്കാനും സമാധാനപരമായി സമ്മേളിക്കാനുമുള്ള സ്വാതന്ത്ര്യമുണ്ട്. ഈ മൗലിക അവകാശങ്ങളെ റദ്ദ് ചെയ്യുന്ന നടപടികളാണ് രാജ്യത്ത് നടക്കുന്നത്.
നൂറ്റാണ്ടുകളായി ക്രൈസ്തവ മിഷനറിമാർ രാജ്യത്തിൻ്റെ ആരോഗ്യ, വിദ്യാഭ്യാസ മേഖലകളിൽ ചെയ്തിട്ടുള്ള സംഭാവനകൾ വിലപ്പെട്ടതാണ്. അവർ സ്ഥാപിച്ച സ്കൂളുകൾ, ആശുപത്രികൾ, തൊഴിൽ ശാലകൾ, വ്യവസായ സ്ഥാപനങ്ങൾ ഇന്നും തലയുയർത്തി നിൽക്കുന്നു. ഡയലക്ടുകളുടെ ഏകീകരണം, വിവിധ ഭാഷകൾക്ക് ലിപി, വ്യാകരണം, നിഘണ്ടു ഇതൊക്കെ ക്രൈസ്തവ മിഷനറിമാരുടെ സംഭാവനകൾ ആണ്. രാജ്യത്തെ ആധുനിവൽക്കരിക്കുന്നതിൽ അവർ വഹിച്ച പങ്ക് വിസ്മരിക്കാൻ കഴിയുമോ. സാമൂഹിക പരിഷ്‌കരണത്തിനും സാംസ്കാരിക നവോത്ഥാനത്തിനും ജെസ്യൂട്ട് - പ്രൊട്ടസ്റ്റൻ്റ് മിഷനറിമാർ നൽകിയ സംഭാവനകൾ മറന്നുകൊണ്ട് ഇത്തരം വിലകുറഞ്ഞ പ്രസ്താവനകൾ നടത്തുന്നത് ചരിത്രത്തിനെതിരെ കൊഞ്ഞനം കുത്തുന്നതിന് തുല്യമാണ്.
അതിഭീകരമായ ജാതി മർദ്ദനവും അയിത്തവും ഘടനാപരമായ അസമത്വവും കൊടികുത്തി വാഴുന്ന
ഉത്തരേന്ത്യയുടെ ഗ്രാമങ്ങളിൽ സാമൂഹിക മാറ്റത്തിൻ്റെ വെളിച്ചം എത്തിച്ചത് ക്രൈസ്തവ മിഷനറിമാരാണ്.
ജനാധിപത്യ വിരുദ്ധവും മനുഷ്യത്വ വിരുദ്ധവും സ്ത്രീ വിരുദ്ധവുമായ അനാചാരങ്ങൾ, മത പൗരോഹിത്യ മേൽക്കോയ്മകൾ, അറുപിന്തിരിപ്പൻ മനുവാദി നിയമങ്ങൾ രാജ്യത്തെ ദലിത് - പിന്നോക്ക - ആദിവാസി - ഗോത്ര ജനതയെ അടിച്ചമർത്തി, സമസ്ത അവകാശങ്ങളും നിഷേധിച്ച് , ഇരുകാലി മൃഗങ്ങളായി ഇന്നും കാണുന്നു.
സവർണ്ണ മേലാളന്മാർ ഭരിക്കുന്ന ജാതി പഞ്ചായത്തുകളിൽ അയിത്ത ജാതിക്കാരന് ഇന്നും പൊതുക്കിണറ്റിലെ വെള്ളം കുടിക്കാൻ അനുവാദമില്ല.
വ്യവസ്ഥാപിത ഭൂപടത്തിന് പുറത്ത് അരാജക ജീവിതം നയിക്കുന്ന അരികു ജീവിതങ്ങളുടെ ഏക പ്രതീക്ഷ ഗ്രാമങ്ങളിൽ സാമൂഹിക പ്രവർത്തനം നടത്തുന്ന ക്രൈസ്തവ മിഷനറിമാരാണ്.
രാജീവ് ചന്ദ്രശേഖറിൻ്റെ പ്രസ്താവനയ്ക്ക് വലിയ വില കൊടുക്കേണ്ടി വരും.
യാതൊരു വിധ ദേശ വിരുദ്ധ - സാമൂഹിക വിരുദ്ധ പ്രവർത്തനങ്ങൾ നടത്താത്ത ഈ രാജ്യത്തെ ഒരു സ്വാതിക സമൂഹമാണ് പെന്തകോസ്ത് സഭകൾ. അങ്ങയുടെ നേതാവ് എൽ കെ അദ്വാനി, അരുൺ ജെയ്റ്റ്‌ലി, സുഷമ സ്വരാജ് ഉൾപ്പടെ നിരവധി നേതാക്കന്മാർ പഠിച്ചത് ക്രൈസ്തവ സഭകളുടെ മിഷൻ സ്കൂളുകളിൽ ആണ്. രാജ്യത്ത് സമാധാനപരമായി സാമൂഹിക സേവനം നടത്തുന്ന മിഷനറിമാരെ അധിക്ഷേപിക്കുന്ന അങ്ങയുടെ പ്രസ്താവന പിൻവലിക്കണം.
മാതാവിന്റെ തലയിൽ സ്വർണ്ണം പൊതിഞ്ഞ ചെമ്പുകിരീടം വച്ചും കൊരട്ടിമുത്തിക്ക് പഴക്കുല നേർന്നും മുട്ടിലിഴഞ്ഞും കുരുത്തോലക്കുരിശ് കെട്ടിയും വോട്ടുപിടുത്ത കോപ്രായങ്ങളുടെ അഭിനയം ഇനിയും ചെലവാകില്ല.
വ്യവസ്ഥാപിത/ കരിസ്മാറ്റിക്/ ന്യുജനറേഷൻ പെന്തകോസ്ത് സഭകൾ ഇന്ന് ഇന്ത്യയിൽ വലിയ മുന്നേറ്റമാണ്. കത്തോലിക്കാ സഭ കഴിഞ്ഞാൽ കേരളത്തിൽ പെന്തകോസ്ത് സഭയാണ് സംഖ്യാപരമായി വളർച്ചയിൽ മുന്നിട്ടുനിൽക്കുന്നത്.
കേരളത്തിൽ 25 ലക്ഷം അംഗങ്ങളും 16 ലക്ഷം വോട്ടർമാരും 45 നിയമസഭാ മണ്ഡലങ്ങളിൽ നിർണായക ശക്തിയുമാണ് പെന്തകോസ്ത് സമൂഹം. പെന്തകോസ്ത് വോട്ടർമാരുടെ ശക്തി കഴിഞ്ഞ തെരഞ്ഞെടുപ്പിൽ താങ്കൾ മനസിലാക്കിയതാണല്ലോ.
അങ്ങയുടെയും പാർട്ടിയുടെയും നയവും നിലപാടും ഇങ്ങനെയാണെങ്കിൽ കേരളത്തിൽ "ഉപ്പിട്ട കലം പോലെ" ആകുമെന്നതിൽ സംശയമില്ല.
പ്രസ്താവന പിൻവലിച്ചിട്ട് മതി കേരളത്തിലെ കൈമുത്തലും കേക്ക് മുറിക്കലും.
HI friends I am Joby Halwin, Bible teacher, Preacher, counsellor & Writer.
I hope to share my talents with all through my Channel...
Mainly I would like to upload videos related to BIBLE.
Feel free to demand special subjects.....

If it is helpful to you kindly help other too to widen their faith and knowledge by sharing with them....

Don't forget to subscribe: https://bit.ly/38XZ7kS
Have a prayer request? [email protected]

whatsapp : https://wa.me/919744440471
Messenger : m.me/100529145217282

Follow social media:
Facebook: https://bit.ly/389rNIO
Instagram : https://bit.ly/385uM4H