ما عفتك | الشاعر حيدر كاظم | قصيدة تجسد الوفاء والحب للمحب والتجاهل للحبيب 💔 | 4k

كلمات القصيدة :

ما عفتك ولا فد مره مليت
الينام أشلون گلي أيعوف حلمه
أخاف أكسر حرف مو خاطر أنسان
وأمسح كل حرف كاسرله كلمه
گد أحچايتي وعندي العشگ سيف
اليشيله أبگلبه لازم خوش زلمه
من گتلك أحبك چان الأحساس
غيمه أتذبني واليحظني نجمه
وأطير أبلا جنح من أحچي وياك
وأحس الگاع يمك أعله قمه
مو رسام بس دافنشي يحتار
أذا وجهك يمر وأبالي أرسمه
عشت أثگيل مامد چفي للناس
وگلبي أبچف ألك كل يوم أسلمه
وأذا طاح وتطشر عادي خليك
لتعبلي چفك انا ألمه
هيجي أمدللك يمبهذل الحال
وأداريك أبحذر عندي أنت نعمه
وهاي أعيوني ألك بس أنت تنشاف
وأذا طباها غيرك كون تعمه
ووكت الليل جفني أمشرع أيصير
وفقط ينسد أذا يلگاك يمه
گبل حتىٰ أبغزلنه أتعيش الأخلاق
وگبل لا أگوله أگلك خاف زحمه
أختلفت هسه وأنت العايف أنسان
أذا جاسه الهوه صدگ يهدمه
وگمت الخطوه گوه أمشيها واللّٰه
بحيث أيگودني المشلول جدمه
يعني أنت العفتني وماخذ الروح
ووراك أمن البچي ذب فصي دمه
يالمخلي الخلگ تتسائل أتحير
وعليه أتگول هذا شنهو فلمه
وشفت حتىٰ الجهال أمخبل أتصيح
ويگولون أشعجب ما يعرف أسمه
العقل من راسي شال وأنت ظليت
وفقط تنشال أذا ينشال لحمه
سهرت أهواي وأكتبلك دواوين
وكل ديوان أخلصه أبروحي أشمه
وأضل أحتار شكتب ياحرف شوگ
وأنت أشلون واحد مايهمه
وأضل أفتر لحد ما أتعب الميل
نفس ذاك اليتاني الراح أيعدمه
وأشعلها الجگاره وأچوي بالروح
وأخلصها وتهل من شفتي ثلمه
اليشرب بالجگاره ويكتب أبيات
من تخلص يورث بيده قلمه
وأفرح من يصير أبوجهي تذكار
وبس وياك أشوف الراحه لچمه
گتلك ما أعوفك وأبقىٰ وياك
الينام أشلون صعبه أيعوف حلمه

​#شعر_شعبي_عراقي #شعر_عراقي #قفشات_شعرية #ابوذيات #دارميات #العراق #بغداد #شعراء_العراق #قصائد_عراقية #منصة_شعر​#تصميم_شعر #تصاميم_عراقية #تصميمي #شعر_مكتوب #فيديو_شعر #مونتاج_شعر #ستوريات_شعر #تصميم_بدون_حقوق #المصممين_العرب #إبداع​#تريند #اكسبلور #مشاهدات #Shorts #يوتيوب_العراق #لايك #اشتراك #فيديو_قصير​#شعر_حزين #شعر_عراقي_حزين #فراق #حزن #قهر #شعر_عن_الأم #شعر_عن_الصداقة #قصص_حزينة #موجوع #ضيم​#شعر_شعبي_عراقي #تصميم_شعر #تريند #شعر_حزين #تصميمي #يوتيوب #العراق #اكسبلور #شعر_عراقي #Shorts #قصائد_حزينة #ستوريات

إنّ المقطع الصوتي Dreams Become Real من Kevin MacLeod مرخَّص بموجب رخصة الإصدار 4.0 من المشاع الإبداعي مع نسب العمل إلى مؤلفه. https://creativecommons.org/licenses/...
المصدر: http://incompetech.com/music/royalty-...
الفنّان: http://incompetech.com/