ROGANA 2025.Përurim dhe Tryezë shkencore për veprën e Prof.dr.Hysen Matoshit.

VEPRIMTARIA SHKENCORE E BAJRAM KRASNIQIT .
FJALA DHE LIBRI TESTAMENT
Përurim dhe Tryezë shkencore për veprën e Dr. Hysen Matoshit “Veprimtaria shkencore e Bajram Krasniqit”, në botim të Institutit Albanologjik të Prishtinës ,2024.
Sot, në lokalet e Institutit Albanologjik në Prishtinë u përurua ky libër në prani të konsiderueshme pjesëmarrësish.
Përurimin e kësaj vepre studimore e moderoi studiuesi Gëzim Aliu, i cili që hapje, foli për personalitetin e atdhetarit e studiuesit Bajram Krasniqi. Për të cilin ai tha se, ishte njëri ndër studiuesit më të rëndësishëm të letërsisë shqipe, me të gjitha veprat që botoi, ai ishte i përkushtuar deri në fund të jetës së tij. Pastaj ai tha se, Bajram Krasniqi , la pas vetes trashëgimi të rëndësishme shkencore në të gjitha veprat e tij studimore.
Pas fjalës së tij u shfaq një emision televiziv i arkivuar, i viteve të 80-ta, kur Bajram Krasniqi fliste për veprën poetike të poetit Kadri Kadriu..
Me disa piketime të nxjerra nga studimi i tij ,foli Hysen Matoshi, duke veçuar disa karakteristika të punës dhe studimeve të kësaj monografie , kushtuar studiuesit të zellshëm Bajram Krasniqit. Hysen Matoshi në fund të fjalës së tij theksoi, se është e domosdoshme të ribotohet kompleti i veprave të Bajram Krasniqit.
Studiuesja nga Shqipëria Floresha Dado, evokoi kujtime nga koha kur ishte njohur në Prishtinë me Bajram Krasniqin e me të tjerë. Pastaj, ajo foli për studimin e Hysen Matoshit dhe rëndësinë e madhe shkencore që ka kjo vepër, duke theksuar seꓽz. Matoshi.Na riktheu Bajram Krasniqin këtu midis neshë.
Ndërkaq, në fjalën e tij Milazim Krasniqi, foli për njohjen dhe rolin e tij në shkrimet e asaj kohe me Bajram Krasniqin. Njëherit , Milazim Krasniqi evokoi edhe disa kujtime me mikun e studjuesin Bajram Krasniqi.
Sali Bashota në punimin e tij, rikujtoi disa zhvillime letrare të kësaj periudhe kohore, poashtu, ai evokoi disa kujtime me studiuesin Bajram Krasniqi..
Për rëndësinë e librit të Drꓽ Hysen Matoshit ”Veprimtaria shkencore e Bajram Krasniqit”, folën edhe studiuesit Fadil Grajçevci dhe Adil Olluri, ata theksuan, se vepra e Matoshi, është një studim i veçantë në letrat shqipe. Me këtë vepër, studimore, sikur kemi më afër portretin shkencor, intelektual të Bajram Krasniqit.
Vepra e të cilit është model për studimin e letërsisë, sidomos të prozës.
Kjo tryezë shkencore, sot ka rikthyer vëmendjen për veprat e studiuesit të dalluar Bajram Krasniqi.
Në emër të familjes falënderoi të pranishmit djali i Bajram Krasniqit ,Arion Krasniqi, i cili ndër të tjera tha se ꓽ është krenar me jetën dhe veprën shkencore të babit të tij. Ai tha se me këtë vepër Hysen Matoshi na riktheu në shkallët e Institutit Albanologjik babin tim, sikur fjalët dhe vepra e tij i japin kuptim më të arsyeshëm ekzistencës së këtij institucioni.
Nga të pranishmit u përkrah ideja e z. Matoshi, se vepra e plotë është mungesë për studiuesit e rinj të kulturës sonë., dhe ajo është mëse e nevojshme që të ribotohet-kompleti i të gjitha veprave të tij ,si dhe punimet tjera të botuara në shtypin e kohës.
Një ditë më ndryshe, që fliste për portretin e Studiuesit Bajram Krasniqi , në objektin e Institutit Albanologjik
Xhirimi dhe fotot ,Gani Kryeziu.
Tekstin e shkroi Nexhat Rexha
Prishtinë, më 11.11 2025