بانگەشەی هەڵبژاردن بە شێوازی بارزانیەکان

‎بانگەشەی هەڵبژاردن بە شێوازی بارزانیەکان

‎ لە بەهاری ڕابردو مەسعود بارزانی ملیۆنێک نانی کردە خێر لە جیاتی زەکات و سەرفترە
‎مەسرور بارزانیش دەڵێ : حەقە هەر تاکێکی هەرێم ، نانێک بخوا و ملیۆنێک نان بکاتە خێر بۆ دیموکراسیەتەکەی بارزانی .
‎هەیاران دەبێ کۆی گشتی هەر شەش ملیۆنەکەی هەرێم چەند نان بکاتە خێر .!؟

‎ئەو دوو دێڕەی سەرەوە لێدوانی مەسعود بارزانی و کوڕە توڕەهاتەکەی بارزانی بوو بۆ دانیشتوانی هەرێم .
‎یەک سەرۆک و سەرکردەم بۆ بدۆزنەوە لەو هەڵبژاردنە بە عەقڵ بیربکاتەوە .! لە هەموو جیهان کە مانگێک ڕێ بە سەرۆک و سەرکردەی حیزبەکان دەدرێ کە ئەندامە چست و چالاکەکانیان هەڵبژێرن بۆ هەڵبژاردنەکان ، دەبێ خاوەنی کۆمەڵێ پڕۆژەی گەورەی ستراتیجی بن بۆ داهاتوو ،
‎بە تایبەتیش بۆ هەڵبژاردنێک کە دوو لە سەر سێی بەرامبەرەکەیان وەکو گورگێکی برسی دەڕواننە لە ناو بردنی گەلەکەیان .

‎بەداخەوە لە دوو هەفتەی ڕابردوی بانگەشەی هەڵبژاردنەکانی پەرلەمانی عێڕاق نەک هەر کورد بگرە عەڕەبی سوننە و شیعەش هیچ پڕۆژەیەکیان نیە کە خۆیانی پێ هەڵبکێشن و پەیمان بدەن کە لە چوار ساڵی داهاتوو بۆ گەل و دەنگدەرانیان ڕوی خۆیانی پێ سپی بکەنەوە .

‎لە سەرەتای هەفتەی پێش کۆتایی بانگەشەی هەڵبژاردنەکانیش توڕەهاتی و نەفامی سەرۆک و سەرکردەکانی هەرێم خەریکە لە نەزانی و گێلی خۆیانەوە دەست بۆ هەڕەشە و گوڕەشە و شەق وەشاندن دەبەن .

‎لام سەیرە خەریکە تورک و فارس و عەڕەب چاومان دەردەکەن و پلان دادەنێن کە بمان تاوێننەوە ، کەچی یەک سەرۆک و سەرکردەیەک نابینی کەیسی گەڕانەوەی ناوچە دابڕاوەکان بکاتە پاکێجێک و پەیمان بدات کە هەوڵ بدەن نیوەی خاکی کوردان بگەڕێتەوە سەر هەرێم .

‎ئافەرین سەرۆک هەرچی عەڕەبی داگیرکەری پێدەشتەکانی هەولێر و مەخمور هەیە کۆیان بکەیەوە و دەعوەتیان بکەی و بڕوات پێیان هەبێ کە دەنگ بۆ خۆت نەوەکانت بدەن .

‎ئافەرین سەرۆک بێی هەرچی پێپەتی و تورکومانە گورگە بۆرە هەیە گیرفانیان پڕ بکەی لە دۆلار و دوژمنایەتی پارێزگارێکی کوردی پێبکەیت

‎خۆزگە وەکو سەردەمی لاوێتیم هەستی بیرکاریم بەهێز دەبوو ، ئەو کاتە لێکدانەوەیەکم دەکرد و پێم دەگوتن کە سەرفترە و سەدەقە و زەکاتی پارەی کڕینی ملیۆنێک نان چەندی دەکرد و لە چەند ملیار دۆلار ئەو خێرەی لێدەکراوە .

‎خۆزگە کاتم دەبوو و ژمێریاریەکم دەکرد کە تەواوی کوردانی باشور چەندن و دەبێ چەند ملیۆن نان بکەنە خێر و سەدەقە بۆ دیموکراسی بونی سەرۆک و نەوەکانی و بنەماڵە و عەشیرەتەکەی .

‎هەر بە ڕاست بۆ کاندیدێک و سەرۆک و سەرکردەی هیچ حیزبێکی کوردی نابینم گەڕانەوەی موچە دزراوەکان بکات بە پاکێجێک و لە چوار ساڵی داهاتوو ، هەوڵی گەڕانەوەی بدات بۆ موچە خۆرە برسیەکانی هەرێم ؟

‎چەندە حەزم دەکرد گەلەکەم دڵسۆزانە بەرەو سندوقەکانی هەڵبژاردن ڕێیان کردبا و بە دڵی خۆیان و بە هەموو دیموکراسیەتێکەوە بەشداری ئەو هەڵبژاردنەیان کردبا دژی دوژمنەکانی نیشتیمانەکەم .

‎بەڵام حەیف و هەزار حەیف کە گوێگری کاڵفامی ئەو سەرۆکانە دەبم ، نەعلەت لەو کەسانەش دەکەم کە قەسابێکیان لە سیبریاوە گەڕاندەوە و کردیان بە کەڵەگا بە سەر خۆیان و گەلەکەیانەوە .

Khabat Kurda