تجربتي بتغيير شاشة قراند شيروكي القديمة يوكونيكت بشاشة احدث فيها كار بلاي uconnect

[ ] سيارتي قراند شيروكي ٢٠١٥ اوفر لاند الشاشه الي ركبتها رقم موديله 68306656AL

[ ] كنت احسبها استراليه الشاشة بس شكلها امريكية بس قنوات الراديو مافيها مشكلة تشتغل طبيعي الى الان مدري كل شي يشتغل فيها ماعدا الخرائط بس اتوقع يبيلها اضافه خرائط السعوديه ولقيت واحد يركبها ب ٣٠٠ ريال حقت الشرق الاوسط بس حاليا مو بحاجتها مدام كار بلاي يشتغل

[ ] اعتقد الطريقة هذي تنفع مع تشارجر وجيب وتشالنجر وكرايزلر

[ ] الكار بلاي يشتغل عن طريق السلك اذا تبيه واير ليس فيه قطعه تشتريها سعرها من ١٥٠ ريال حتى ١٠٠٠ ريال حسب المواصفات الي تبيها

[ ] تقريبا لي ٦ شهور ادور شاشه كل شوي ادخل حراج ادور شي مضمون + سعرة حلو لاني كنت ابيه هو يركبها لي مابيه يرسلها لي او يشحنها حتى ماتكون مكسورة او فيها مشكله اسعارها بالسوق

[ ] ارخص شي حصلته ب ٧٥٠ واغلى شي ٤٥٠٠ ريال + ياخذ الشاشه القديمة 💸

[ ] الحمد لله الي باع لي الشاشه والله انسان رهيب جاب لي شاشتين وهو الي ركبهم وطلعت خربانه ولا خلاني الا بعد ماركبت الشاشه وكانت سليمة
اسمه عبدالعزيز الشهري
+966504577718

[ ] بعد ماشريتها كنت ابي احدثها بس المشكله مو عندي رقم الهيكل حق الي كانت راكبه فيه الشاشة يبيلي ابحث عن رقم الهيكل او VIN

[ ] الشاشة القديمه اللمس افضل بمراحل واسلس من الشاشة الجديدة وتحس جودتها اعلى

[ ] اول ماركبت الشاشه طلبت الشاشه رقم سري شريته ب ٨٠ ريال من بائع بموقع eBay ب ١٠ دقايق وفرة لي خدووووم جدا لاني طلبت منه كم شغله غير الكود وحاول يوفرة لي حسابة radio_codes_onlinn يبي منك السيريال نمبر حق الشاشه بس الافضل تصور الستكر وترسله له طبعا ال ٨٠ على حساب الي شريت منه الشاشه لاني شرطت انها تكون سليمه وماقصر والله

[ ] بعد تجربة يومين انا جدا مبسوط اني غيرتها ومادري لية كنت متردد قبل 🫤

[ ] بالنهاية اتمنى اني افدت احد بتجربتي 👌🏻