ជិនបញ្ជរ / គាថាបញ្ចៀសរន្ទះបាញ់/ ចង់បានសេចក្តីសុខ អាយុវែង មិនមានរោគ សូត្រគាថានឹង រាល់ថ្ងៃ! វិសេសណាស់

ជិនបញ្ជរគាថា
១.ជយាសនាគតាពុទ្ធា ជិត្វា មារំ សវាហនំ
ចតុសច្ចាមតរសំ យេ បិវឹសុ នរាសភា។
២.តណ្ហង្ករាទយោ ពុទ្ធា អដ្ឋវិសតិ នាយកា
សព្វេ បតិដ្ឋិតា មយ្ហំ មត្ថកេ តេ មុនិស្សរា។
៣.សីសេ បតិដ្ឋិតោ មយ្ហំ ពុទ្ធោ ធម្មោ ទ្វិលោចនេ
សង្ឃោ បតិដ្ឋិតោ មយ្ហំ ឧរេ សព្វគុណាករោ។
៤.ហទយេ អនុរុទ្ធោ ច សារិបុត្តោ ច ទក្ខិណេ
កោណ្ឌញ្ញោ បិដិ្ឋភាគស្មឹ មោគ្គលានោ ច វាមកេ។
៥.ទក្ខិណេ សវនេ មយ្ហំ អាសុំ អានន្ទរាហុលោ
កស្សបោ ច មហានាមោ ឧភោសុំ សោតវាមកេ។
៦.កេសន្តេ បិដ្ឋិភាគស្មឹ សូរិយោវ បភង្ករោ
និសិន្នោ សិរិសម្បន្នោ សោភិតោ មុនិបុង្គវោ។
៧.កុមារកស្សបោ នាម មហេសី ចិត្រវាទកោ
សោ មយ្ហំ វទនេ និច្ចំ បតិដ្ឋាតុ គុណាករោ។
៨.បុណ្ណោ អង្គុលិមាលោ ច ឧបាលិនន្ទសីវលិ
ឯតេ បញ្ច មហាថេរា នលាដេ តិលកា មម។
៩.សេសាសីតិ មហាថេរា ជិតវន្តោ ជិនោរសា
ជលន្តា សីលតេជេន អង្គមង្គេសុ សណ្ឋិតា។
១០.រតនំ បុរេតោ អាសិ ទក្ខិណេ មេត្តសុត្តកំ
ធជគ្គំ បច្ចតោ អាសិ វាមេ អង្គុលិមានលកំ។
១១.ខន្ធមោរបរិត្តញ្ច អាដានាដិយសុត្តកំ
អាកាសេ ឆទនំ អាសិ សេសា បាការសញ្ញិតា។
១២.ជិនានំ ពលសំយុត្តេ សុត្តប្បាការសង្កតេ
វាសតោ មេ សក្កច្ចេន សម្មា សម្ពុទ្ធបញ្ជរេ។
១៣.វាតបិត្តា ទិសញ្ជាតា ពាហិរជ្ឈត្តុបទ្ទវា
អសេសា វិនយំ យន្តុ អនន្តគុណតេជសា។
១៤.ជិនបញ្ជរមជ្ឈម្ហិ វិហរន្តំ មហីតលេ
សទា បាលេន្តុ មំ ពុទ្ធា សព្វេ តេ បុរិសាសភា។
១៥.អារកុបទ្ទវា សព្វេ មា រោគា ហោន្តុ បាណិនំ
ឯតេសំ អានុភាវេន អន្តរាយោ អសេសតោ។
១៦.ឥច្ចេវ មន្តា សុគតា អាយុទីឃា ភវន្តុ មេ
តេន មន្តសជ្ឈាយេន សោត្ថិភាវា ភវន្តុ មេ។
========
ជិនបញ្ជរគាថា

ទាក់ទងនឹងការកើតឡើង រួមទាំងឈ្មោះអ្នកតែង និងស្ថានទីតែងនៃជិនបញ្ជរគាថានេះ អ្នកប្រាជ្ញភូមាជឿថា តែងឡើងនៅក្រុងឆៀងម៉ៃរបស់ថៃ ក្នុងសម័យអាណាចក្រ
ឡានណា ដោយព្រះថេរៈមួយរូបដែលមិនប្រាកដឈ្មោះ ជាវណ្ណកម្មបាលីដែលតែងក្នុងប្រទេសថៃ ។ សេចក្ដីនេះមានប្រាកដក្នុងគម្ពីរវិនយសមូហវិនិច្ឆ័យរបស់ភូមា ក្នុងពុទ្ធនវម-វិនិច្ឆ័យ បានពោលដល់គាថាជិនបញ្ជរនេះថា តែងឡើងក្នុងរជ្ជសម័យព្រះបាទអនោរធា រជ្ជកាលទី២០ ដែលជាស្ដេចភូមាមកគ្រប់គ្រងនគរឆៀងម៉ៃ រវាងព.ស. ២១២១-២១៥០ ។
សេចក្ដីនេះគួរនឹងជាសេចក្ដីយល់ខុសភ្លាំងភ្លាត់ សេចក្ដីពិត គាថាជិនបញ្ជរនេះគង់នឹងមានមកមុន តាំងតែសម័យព្រះបាទតិលោករាជ ហើយអាចនឹងមានអាយុច្រើនជាងនោះ បន្ទាប់មក ធ្លាក់ចុះ សាបសូន្យភាពពេញនិយម ទើបបានការស្ដារឡើងវិញ យកមកសូត្រជាថ្មីក្នុងសម័យព្រះបាទអនោរធា ដូចប្រាកដសេចក្ដីក្នុងគម្ពីរនោះថា ព្រះបាទអនោរធាទ្រង់ប្រោសប្រទានឲ្យជនជាតិឆៀងម៉ៃនប្រើសូត្រជំនួសការបូជាផ្កាយនព្វគ្រោះដែលមិនស្របតាមពាក្យប្រៀនប្រដៅរបស់ព្រះពុទ្ធសាសនា ។ សេចក្ដីគួរនឹងជាដូចនេះ មិនមែនតែងឡើង ក្នុងសម័យព្រះបាទអនោរធាទេ ជាពិតប្រាកដ ។
ដូច្នេះ បានជាអ្នកប្រាជ្ញឡានណាជឿថា គាថានេះបានទទួលមរតកអំពីលង្កា ដូចប្រាកដសេចក្ដីក្នុងគម្ពីរឡានណាមួយច្បាប់ថា
ឧប្បត្តិនិទានដែលកើតឡើងនៃជិនបញ្ជរគាថានេះថា មានបុត្រស្ដេចក្រុងលង្កាមួយអង្គប្រសូតមក ត្រូវពួកហោរាទាយថា មានព្រះជន្មបាន ៧ ឆ្នាំ ៧ ខែ ព្រះអង្គម្ចាស់បុត្រានៃមហារាជនឹងត្រូវស្លាប់ដោយរន្ទះបាញ់ ព្រះរាជបុត្រនឹងមានព្រះជន្ម ៧ ឆ្នាំ ៧ ខែ ជាពិតប្រាកដ ។ ព្រះរាជាស្ដាប់ពាក្យនោះហើយ ទៅថ្វាយបង្គំព្រះអហន្តទាំងអស់ក្នុងក្រុងលង្កា ។ ព្រះអរហន្ត ៥០០ អង្គ ព្រមគ្នាតែង លើប្រាសាទជាន់ទី ៧ នៅជិតសីហបញ្ជរ ។ ព្រះរាជាទ្រង់បូជាដោយយកអាសនៈ ឆត្រ ផ្លិត ភួងមាលា ទៀន ធូប ប្រទីប ផ្កាឈើ ហើយឲ្យព្រះ រាជបុត្ររៀនយក ហើយចម្រើនគោរពបូជារាល់ថ្ងៃ ។ កាលអាយុបាន ៧ ឆ្នាំ ៧ ខែ រន្ទះបាញ់ក៏បាញ់ទៅចំដុំថ្មមួយដុំ ដែលនៅទិសខាងលិចក្រុងលង្កា ។ រាជកុមារតូចនេះក៏មានព្រះជន្មយឺនយូរ ផុតចាកអន្តរាយទាំងពួង ហើយបានក្លាយជាព្រះរាជាជំនួសបិតា ។
អំពីដំណើររឿងដូចពោលមកនេះ អាចយល់បានថា សម័យមួយមានរាជកុមាររបស់ស្ដេចលង្កាមួយអង្គ (ក្នុងប្រវត្តិមិនបានបញ្ជាក់ព្រះនាម) គ្រាកាលប្រសូតមកជាដំបូង ត្រូវហោរាទាយថា ព្រះរាជកុមារមានព្រះជន្មបានតែ ៧ ឆ្នាំ ប៉ុណ្ណោះ ក៏ត្រូវអសនីបាត (រន្ទះបាញ់) ត្រូវចំព្រះអង្គយ៉ាងពិតប្រាកដ ដល់ពេលមានព្រះជន្មជិត ៧ ឆ្នាំ ព្រះរាជបិតាទ្រង់ព្រួយព្រះទ័យខ្លាំង ទើបស្ដេចទៅនមស្ការព្រះអរហន្តទាំងពួងក្នុងលង្កាទ្វីប ដើម្បីសូមពាក្យណែនាំនិងប្រឹក្សា និងរកផ្លូវកែខៃ ។ ព្រះអរហន្តទាំងពួងទើបប្រជុំគ្នាលើប្រាសាទជាន់ទី ៧ នៅជិតសីហបញ្ជរ បានជួយគ្នាចងប្រព័ន្ធគាថានេះឡើង នៅត្រង់ទីជិតសីហបញ្ជរនោះ ហេតុនោះ គាថានេះទើបប្រាកសឈ្មោះថា ជិនបញ្ជរ ប្រែថា បង្អួចព្រះជិនស្រី ដោយបរិយាយន័យដល់ គ្រឿងការពារ ដោយនាំពាក្យថា បញ្ជរ ដែលជា មង្គលនាម មកប្រើក្នុងការតាំងឈ្មោះគាថា ។
ចំណែកឈ្មោះថា ជយបញ្ជរ ឬ ជៃយបញ្ជរ តាមភាសាឡានណា ប្រែថា ក្រងការពារនៃជ័យជម្នះ ឈ្មោះថាជាមង្គលនាម ដូចគ្នា ។ ក្រោយអំពីនោះ ក៏ឲ្យព្រះអង្គបូជាដោយគ្រឿងសក្ការៈផ្សេងៗ ហើយឲ្យរាជកុមាររៀនគាថាទាំងអស់នេះ និងស្វាធ្យាយជាប្រចាំរាល់ថ្ងៃ ។ ល្មមដល់ព្រះជន្ម ៧ ឆ្នាំបរិបូណ៌ រន្ទះបាញ់ក៏បាញ់ពិត តាមទំនាយរបស់ហោរា តែមិនត្រូវព្រះរាជកុមារឡើយ បាញ់ខុស ទៅត្រូវដុំថ្មធំមួយដុំជំនួស ដែលនៅផ្លូវមនុស្សដើរនៅទិសខាងលិចរបស់ក្រុងលង្កា ខណៈដែលព្រះកុមារប្រថាប់នៅកណ្ដាលវាល ព្រះកុមារទើបផុតចាកមរណភ័យ និងមានព្រះជន្មវែងយឺនយូរតទៅ រហូតបានស្នងរាជសម្បត្តិជាស្ដេចលង្កា តអំពីបិតា ព្រោះអានុភាពនៃគាថាជិនបញ្ជរនេះ ។ គាថាជិនបញ្ជរនេះ ទើបបានទទួលការសរសើរ រាប់អានតរៀងមក រហូតដល់បច្ចុប្បន្ន អាស្រ័យហេតុដែលព្រះរាជកុមារផុតចាកមរណភ័យគ្រានោះ ព្រះគាថានេះទើបមានឈ្មោះម្យ៉ាងទៀតថា គាថាបញ្ចៀសរន្ទះបាញ់ ដែលមានន័យថា រន្ទះបាញ់មិនត្រូវ ។
(មូលន្តរជិនបញ្ជរសង្គហៈ)
ព្រះមហាញាណធវ័ជ ញាណទ្ធជោ
ប្រែដោយសន្តិទេវ
==========

Hello Dear Viewers,
Thank you for watching Sweethearts and I hope to see you on the next one!
May your lipstick be always as sweet as your smile!