Edicioni i Lajmeve Tv Klan 3 Dhjetor 2025, ora

Lajme, #edicioniinformativ ora 23:50, 3 dhjetor 2025 #TvKlan #klanlajme

Spiker: Reis Çiço

Headlines

Tv Klan siguron pamjet e vrasjes së biznesmenit Edmond Mëhalla në Elbasan

TV Klan siguron pamjet e ekzekutimit të biznesmenit Edmond Mëhalla në Elbasan. Në pamjet e fiksuara nga kamerat e sigurisë duket autori që ka vepruar i vetëm dhe brenda pak sekondash hap zjarr ndaj 43-vjeçarit duke e lënë të vdekur në vend.

Rama: Vendimi i GJKKO-s për Ballukun po pengon punën e qeverisë. “GJK” shtyn shqyrtimin
Kryeministri Rama thotë se vendimi për pezullimin e Ballukut po mban peng projektet që kërkojnë firmën e saj. Ai sjell si shembull marrëveshjen për fluturimet direkte me Kanadanë. Gjykata Kushtetuese e ka shtyrë për në 12 dhjetor vendimin për çështjen.

Kongresmeni amerikan: Është koha të shihet nëse reforma në drejtësi në Shqipëri ka funksionuar
Në një seancë të Kongresit Amerikan, ligjvënësi republikan Kith Self tha se pas 10 vitesh nga zbatimi i reformës shqiptare në drejtësi, është momenti të rishikohet nëse ajo po funksionon. Sipas tij, është shqetësues numri prej 200 mijë dosjesh të pashqyrtuara.

Mogherini do hetohet në liri për mashtrim me tenderat e BE-së. Berisha: Hetimet, edhe në Tiranë
Rektorja e Kolegjit të Europës, Federica Mogherini, dhe dy zyrtarë të tjerë europianë do të hetohen në gjendje të lirë për akuzat për mashtrim me tenderat e Bashkimit Europian. Kreu i Partisë Demokratike kërkon që hetimet të shtrihen edhe në Tiranë.

Ligji për financimin e partive, brenda 2025-ës. PS: Donacionet, me bankë. PD: Problem, administrata
Forcat kryesore politike synojnë që brenda këtij viti të miratojnë ligjin e ri për financimin e partive. PS propozon që të gjitha donacionet të kryhen nëpërmjet bankës, ndërsa PD thotë se problem mbetet përdorimi i administratës në zgjedhje.

Qeveria, reformë për taksën e pronave. Në 2027, rivlerësim sipas vlerës reale të tregut
Qeveria parashikon një reformë të plotë për taksën e pronës. Ministri i Financave thotë se projektligji i ri parashikon që në vitin 2027 të kryhet procesi kombëtar i vlerësimit të pronave dhe në vitin 2030 të nisë zbatimi i taksës së re mbi tokën.

Dhune në Kategorinë e Parë? Skënderbeu: U goditën lojtarët dhe trajneri. Iliria: E pavërtetë
Ndeshja e Kategorisë së Parë mes Skënderbeut dhe Ilirisë në Fushë-Krujë nuk është zhvilluar. Shkak janë bërë pretendimet e korçarëve se janë dhunuar gjatë hyrjes në stadium, por këto pretendime janë hedhur poshtë si të pavërteta nga skuadra vendase.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/