15 07 2020 იმედი ქრონიკა 17 00 "იმოგზაურე საქართველოსთვის თუშეში

"იმოგზაურე საქართველოში"
კამპანიის "იმოგზაურე საქართველოში" ფარგლებში თუშეთს დღეს ეკონომიკისა და მდგრადი განვითარების მინისტრი, ნათია თურნავა, ტურიზმის ეროვნული ადმინისტრაციის ხელმძღვანელი, მარიამ ქვრივიშვილი და კახეთის სახელმწიფო რწმუნებული, ირაკლი ქადაგიშვილი ესწვივნენ. კამპანიის ფარგლებში სტუმრებმა კესელოს ციხე და ომალოში თუშეთის ეროვნული პარკის ვიზიტორთა ცენტრი დაათვალიერეს, სადაც მონაწილეობა მიიღეს თუშური ხინკლის და კოტორის მასტერკლასებში. "ეს არის შესაძლებლობა, რომ ყველამ ხელახლა აღმოვაჩინოთ ის, რაც ჩვენია, ვიმოგზაუროთ საქართველოში და ვიმოგზაუროთ საქართველოსთვის. ვმოგზაურობთ იმისთვის, რომ საკუთარი მაგალითით წავახალისოთ და მოვუწოდოთ ყველას, აღმოაჩინოს ეს შესანიშნავი ძეგლები, შესანიშნავი ადგილები, ჩვენი განუმეორებელი ბუნება, რითაც ძალიან მდიდრები ვართ, ესტუმრონ ჩვენს კურორტებს. გარდა იმისა, რომ ეს არის მართლაც დაუვიწყარი შთაბეჭდილება, არის ძალიან კარგი პატრიოტული საქმე, დავეხმაროთ ადგილობრივ ტურიზმს“, – განაცხადა ნათია თურნავამ. მარიამ ქვრივიშვილი "დღევანდელი ტური არის ძალიან საინტერესო, რადგან ჩვენ მოვინახულებთ არაერთ უნიკალურ ადგილს."