Top News- ‘Serbia të përgjigjet për Banjskën’/Shefi i NATO, thirrje Beogradit që të dorëzojë autorët

Sekretari i Përgjithshëm i NATO-s, Mark Rutte, i ka bërë thirrje Beogradit që të vërë para përgjegjësisë autorët e sulmit në Bajskë, ku mbeti i vrarë rreshteri i policisë së Kosovës, Afrim Bunjaku.

Ai theksoi se se aleanca pret që autoritetet serbe të tregojnë përgjegjshmëri për ngjarjet në Kosovë, përfshirë sulmin në Banjskë dhe sulmet ndaj ushtarëve të KFOR-it gjatë tensioneve në pranverën e vitit 2023.

Dubel rutte - “Kam një marrëdhënie personale me presidentin e Serbisë Aleksandar Vuçiç. Njohim njëri-tjetrin prej shumë vitesh. Por, natyrisht, presim nga ai që të përcaktojë përgjegjësinë për atë që ndodhi disa vite më parë, dhe kjo për dy çështje. Për të dyja ka premtuar përcaktimin e plotë të përgjegjësisë”

Këto deklarata Rutte i bëri gjatë adresimit në Komitetin për Punët e Jashtme të Parlamentit Europian, ku po ashtu konfirmoi mbështetjen për dialogun për normalizimin e raporteve mes Kosovës dhe Serbisë, që ndërmjetësohet nga Bashkimi Evropian.

Tensionet në veri të Kosovës kanë ardhur në rritje, teksa incidenti më i rëndë u regjistrua shtatorin e vitit 2023 në Banjskë të Zveçanit, kur një grup serbësh të armatosur sulmuan Policinë e Kosovës, duke vrarë një rreshter. Në këmbimet e zjarrit që pasuan u vranë tre sulmues serb. Politikani nga Kosova dhe biznesmeni Millan Radoiçiq ka marrë përgjegjësinë për sulmin, dhe që nga ajo kohë, ai vazhdon të jetë i lirë.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Serbia#Sulmi#Banjske