" สิริมังคลกาจ สิริราชธานี " โรงเรียนพิบูลมังสาหาร ขบวนแห่เทียนพรรษาอุบลราชธานี 11 กรกฎาคม 2568

การแสดงชุด " สิริมังคลกาจ สิริราชธานี " โดยโรงเรียนพิบูลมังสาหาร สังกัดองค์การบริหารส่วนจังหวัดอุบลราชธานี ในขบวนแห่เทียนพรรษาอุบลราชธานี 11 กรกฎาคม 2568

การกลับมาอีกครั้งในรอบ 14 ปี ของขบวนแห่จากพิบูลมังสาหาร ในขบวนแห่เทียนพรรษาอุบลราชธานี

#เนื้อเพลง #สิริมังคลกาจ #สิริราชธานี

โอ้ย บ้านเอ้ย บ้านเฮานี้
มีของดีอันลํ่าค่า
เทียนพรรษามีค่าล้ำ
อุบลก้ำ แม่นส่าลือ
เมืองเฮานี้ให้อยู่เย็น เด้น้อ โอ้ยย…..ละนาาา

|สรภัญญะ|
กาลนี้เพลางาย อโนทัยผายเมฆา
เบยเบิกบูรพา อัจจิมารัศมี
ยลแยงยาบวาบวาว เพริศแพร้วพราวม้าวมับสี
สาดส่องธรณี ปฐพีศรีนคร
บั้นบ่อนวัสสานนะ เข้าพรรษาบุญบวร
หลั่งล้วนมวลนิกร ต่างสะหลอน ถ่อนกันมา
พร่ำพลพร้อมเพียรแปง เตรียมตั้งแต่งเครื่องสักการ์
เทิบเทินเทียนพรรษา เอ้งามตามาฮ่วมงัน โฮมเฮียงกันมาฮ่วมงาน ฮ่วมสืบสานประเพณี

|ทำนองสรภัญญะแปลง|
ละว่าบัดนี้ ว่าสิริมังคลากาจ สิริราชธานี สิริศรีเมืองอุบล
ประชานบน้อมพร้อมพร่ำสาธุชน ละวนละเวียนอั่งล้นไพร่พลเอ้แต่ง
ละยลละเเยงละย้ายละหยาบละยัวรยาตริ ตบแต่งแปงจัด บัวระบัตบรรณาการ
เทิงเทียนเอ้อ้อมล้อมใส่บุษบัน ตั้งเทินเดิ่นซั่นฮ่วมงานเมืองอุบล

|ทำนองศรีโคตรแปลง|
เอ้อาดลาดล้วนละมวลละเทียนละต้นใหญ่
จั่งว่างดละงามหลายอันเทียนชัยใต่ส่อง ใสเฮืองฮอง ใสละเฮืองฮอง
ผุดผ่องเพริ้สแพร้วคุแนวค้ำล้ำยิ่ง สรรพสิ่งอันแม่นมิ่งมังคลา
ถวยพระสัมมา ถวยพระสัมมา เลิศคนละลื้นฟ้าอันล้ำสง่าในคำพระธรรม
พลแพลนพร่ำละนบละนำเนี่ยววอน จั่งยกยอพกร อ้อนอ่วยนวยถวาย
เลียงซ่ายล้าย ว่าวิงวอนไว้ไหว้หว่างกลางจอม โฮมแห่แหนฮ้อมล้อมเมืองลือส่า
น้อมค้อมขมาบูซานำนบใส่ ถวยต้นเทียนใหญ่ศรัทธาทั้งหลาย
นำเอาเทียนชัย สลักไว้ภายแผ่น

|ทำนองสาละวัน|
โอ้ย…น้อ โอ้ย…นา บัดนี้ท่านเอ่ยฝูงข้ามาพร่ำพร้อมถนอมค้อมไหว้ว่านี้หนา นี้หนา
ต่างมาลาดวงดอกไม้ย่อไว้แม่นสักการ์สักการ์หนา นี่แหล่ว
สิพาไขป่องเอี่ยมเยี่ยมเมืองอุบลต่อ นี้แหล่วๆ
ต้นเทียนงามเพริศแพร้วแวววาบเหลื่อมใส่กัน ใส่กัน
ทานเอ่ย เทียนพรรษาเรียงลั้นตั้งมั่นเทินท่อนี้นอนี้น่อ คนมาออลั่งล้นยลงามแท้ จั่งแม่นงามแม่นงามนี้หนาคนไทยเอ่ย

|รำวงลาวสาละวันแปลง|
ฟ้อนใส่ฝูงไทยเฮาฟ้อนใส่ ย้อนใส่ฝูงไทยเฮาย้อนใส่
ยับหย่างย่ายลีล่ายก่ายกร ฟ้อนอ่อนๆอรชรอ้อนแอ้น
ฟ้อนแห้ะแห่นกะกายเเพลนแอ่นอ่อน ถกขาฟ้อนกะบ่อนบั้นเพลงลำ
ฟ้อนหน่ำๆขบวนคำล้ำค่า แห่เทียนพรรษาที่เมืองอุบล
ใครได้มายลกะบอกว่าออนซอน เมืองบ้านบ่อนอุบลราชธานี

{ลำ}
โอ้ยเดน้อ เด้น้อ ถึงบทต้านขานลำนำเกริ่น ๆ ว่าขอเชิญมาเดินแดนนี้อุบลก้ำฝ่ายเมือง แสงรุ่งเรืองเมืองแห่งเทียนธรรม  ประชาน้อมนำถวายพุทธบูชา  เมืองแห่งศรัทธาเทียนธรรมเทียนทอง  ประชาพี่น้อง มาโฮฮ้องก้องสนั่น นั่น นั่น นั่น ๆ สถานทองบ่อนบ้านสิเชิญท่านมาชม

(ทำนองสกล)
บั้น บ่อนบ้านเบื้องเฮืองฮุ่ง จั่งผยุงปรุงเเปง
เฮืองฮุงแสงแยงบ้าน ปูนปั้นพันเทียนเผิ้ง
เปิงอุบลนคร บ่อนเทียนท่อนถวาย
ลายเลิศล้ำวิลัย พิมพ์ติดแต้มแกล้มกาย
แซมสลักเอาไว้ เป็นเทียนชัยในบ้านบ่อนเมือง
ศรีไสวรุ่งเรื่องฮุ่งฮองเฮืองเมืองบ้านอุบล
เสพเส็งเสียงแซวซ้อง พิณแคนกลองฆ้องคำ
อันซ้อนำปี่เป่า กล่อมกันเข้าพร้อมเพียง
เสียงเสนาะทำนอง เงียงงินก้องกังวาน
ดุริยาประสาน ดังเติ้งต้านคึกคื้น
ม่วนประโคมซมซื่น ทั่วภายพื้นคนได้ม่วนกัน
เป็นขบวนซวนซั้น บทประพันธ์กลอนตั้งต้นต่อ
เขียนประพันธ์ย่อย่อให้ได้พอเข้าใจวิถี

|ทำนองเพลง|
นี่ละเมืองอุบล คนได้ย่องได้ย่อ
ก่อประเพณีไว้ แต่ตายายปู่ย่าพาทำ
นำเอามาแปลงปั้น พวกลูกหลาน สืบสานส่งต่อ
ย่อเป็นบุญยิ่งใหญ่ ฮุ่งเฮืองงามหลายแสงเทียนแสงธรรม
เชิญทุกท่านมายล คนอุบล ยินดีต้อนฮับ
รับด้วยประเพณี เเห่เทียนเป็นศรีชื่อเลืองลือไกล
เหลืองไสวฮุ่งเฮือง เมืองอุบลงามตา
งามต้นเทียนพรรษา สมสมัญญา เมืองเทียรเมืองธรรม
ยุติกลอนลาลง ปงกับกาบกลอนสาน
ให้สุขีสราญ เผิงบุญสมภารพุทธาโคดม
โจมมือนบใส่หัว ขาบถึงทั่วทุกท่านที่ชม
สมดั่งพรวอนต้าน พวกลูกหลานขอลาลงก่อน
บ้านเกิดเมืองนอนอุบลราชธานี เป็นเกียรติเป็นศรีพี่น้องเฮาชาวอุบล

ขับร้อง : ก็อต จิตติพัฒน์ / จ๋า เกวริน แสนหวัง
เนื้อร้อง : คุณบลู
ดนตรี : วงโปงลางศิลป์ไทรเงิน กลุ่มสาระการเรียนรู้ศิลปะ โรงเรียนพิบูลมังสาหาร Phibunmangsahan School PM Studio Phibunmangsahan School #อุบลราชธานี