Tv Klan - Mbërrijnë në vend 600 votat e para të diasporës

Kanë mbërritur votat e para nga diaspora në vend. Bëhet fjalë për 600 fletë votimi që më së shumti i përkasin qarkut të Dibrës, ndërsa siç raportoi gazetarja e Tv Klan Klesiana Omeri kanë ardhur kryesisht nga Italia dhe Greqia.

Këto fletë votimi janë vendosur në ambientet e Parkut Olimpik, i cili është nën monitorim të kamerave. Për të garantuar mbarëvajtjen e këtij procesi, prezentë janë përfaqësuesit ligjorë të partive më të mëdha politike, forca policie si dhe kryekomisioneri Ilirjan Celibashi. Mësohet se fletët e para të votimit kanë mbërritur mëngjesin e kësaj të Enjteje, ndërsa shumica e tyre gjatë pasdites.

Vlen të theksohet se ende nuk ka përfunduar dërgimi i zarfeve për votuesit shqiptarë jashtë territorit të Republikës.

“Për qarkun e Fierit, Vlorës dhe Shkodrës ende nuk ka nisur. Pritet të mbarojë ky proces sonte për Tiranën. Janë shtuar kontrollet e sigurisë për mbarëvajtjen e procesit”, bëri me dije gazetarja.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/