Zgatari i Ymer Prizrenit, varrit të madh, shpella, puseve dhe bukurive natyrore

---
ZGATARI I YMER PRIZRENIT, VARRIT TË MADH, SHPELLAVE, PUSEVE DHE BUKURIVE NATYRORE

Fshati Zgatar, njihet si njëri një ndër fshatrat më të vjetër të zonës së Opojës në komunën e Dragashit. Ky fshat njihet si vendlindja e atdhetarit të madh, Ymer Prizreni, bukurive të shumta natyrore por edhe vendeve karakteristike siç janë: Varri i gjermanit dhe Shpella e Zgatarit si dhe numrit të madh të mërgimtarëve. Ky lokalitet është vendi i origjinës së patriotit të shquar, Ymer Prizreni, kryetarit të parë të Lidhjes Shqiptare të Prizrenit. Në nderim të këtij patrioti të madh, në vitin 2005 në oborrin e shkollës " Hilmi Bahtijari", atij i është ngritur një bust nga bashkëvendasit e tij. Mësimdhënësi, Xhemal Iljazi, aktivist shumëvjeçar i këtij fshati, tregon se aktualisht në këtë lokalitet jetojnë rreth 900 banorë rezident. Shumë prej banorëve kanë migruar drejt qytetit, ndërsa një pjesë e madhe e zgatarasve ndodhen në kurbet, tregon ai. Zotëri Iljazi, thotë se shumica e banorëve merren me ushtrimin e veprimtarive të ndryshme biznesore , kryesisht në sektorin e ndërtimit e më pak me bujqësi. Ai tregon më tej se infrastruktura rrugore në këtë fshat është e kënaqshme, ndërsa problem më të theksuar paraqet mungesa e furnizimit të rregulltë me ujë të pijes. Për këtë shkak, shumica e banorëve janë detyruar të hapin puse, dhe për këtë çështje tha ai, jemi lokaliteti më me shumë puse në rrafshin e Dukagjinit. Plaku, Isamidin Emini, ka rregulluar një kopsht të bukur me pemë dhe perime, dhe ai aty e kalon kohën më gjatë të ditës në ajër të pastër. Jeta në Zgatar është tejet e bukur thotë ai, por për shkak të mungesës së perspektivës së të rinjve, edhe familja e tij do të migroj drejt Prizrenit. Por, ai thotë se përkundër kësaj, do të vijë në vendlindje rregullisht. Largimi nga Zgatari thotë ai, po më ngjall ndjenjat e kurbetit, ku për më shumë se 5 dekada kam punuar për mirëqenien e familjes sime, thotë ai. Për dallim nga bashkëvendasi i tij, Karanfil Ibishi, familja e të cilit kishte migruar në Prizren dhe pas shumë vitesh në emigracion, ka vendosur të rikthehet në vendlindje, duke investuar në ndërtimin e një objekti në vendin e bukur që quhet " Gjerman". Ai tregon arsyet pse ka vendosur për t'u rikthyerë, edhe pse kishte plane më të mëdha për të investuar në vendlindje, që gjë iu pamundësua nga disa institucione. Përkundër kësaj, ai bashkë me familjen ndjehet i lumtur që kanë zgjedhur të shijojnë natyrën e bukur dhe të shëndetshme të vendlindjes. Se ky vend është i veçantë dhe nga ai nuk mund të largohesh përjetësisht, tregon fakti se disa bashkëatdhetarë të lindur në vitin 1971 kanë investuar në ndërtimin e një vile tejet të bukur rrëze malit të gjermanit, ku ata gjatë kohës së pushimeve mblidhen me miqtë e tyre të vendlindjes dhe kalojnë çaste të këndshme në ambient të bukur dhe të shëndetëshëm. Një ndër atraksionet më të veçanta që ka Zgatari, është Varri i gjermanit. Sipas të dhënave historike, ky varr i përket ushtarakut të shquar austriak, Pikolomin, nga fundshekulli i XVII-të, tregon historiani opojan, dr. Muharrem Qafleshi. Por, si i ka mbijetuar kohës ky varr dhe a ka lidhshmëri me toponimin gjerman, dhe çfarë ka paraqitur ai për banorët e Zgatarit?. Zgatari njihet edhe si fshat i Shpellave, pasi në gjerman ekzistojnë dy të tilla. Por, njëra ndër ato është më interesante, e që në fakt sipas historianit, Muharrem Qafleshi, është humnerë për të cilen fliten mite por ekzistojnë edhe të dhëna reale. Ajri i pastër, natyra e bukur dhe vende interesante në gjermanin e Zgatarit, kanë bërë që ky vend të vizitohet nga mbarë Kosova. Fatmir Bunjaku nga Podujeva, bashkë me miq të tij, po gjente freski pranë ujit të ftohtë tek "Korubast e Zgatarit". Ai thotë se nga gjermani po largohet me përshtypjet më të mira, dhe se ai do ta vizitojë këtë vend në të ardhmen edhe me familjen e tij. Zgatari shumë është braktisur nga banorët e tij ndër vite, por ai gjithmonë ka dhe të ardhme.
#tvprizreni#prizreni#lajmet