“Pse nuk doje gocë?” Binjakët ndahen në ‘kampe’ me prindërit

Programi “Shije Shtëpie” në Tv Klan të premten kishte në fokus ata për të cilët flitet më shumë, fëmijët, por këtë herë me zërin e tyre. Binjakët 12-vjeçarë Armesa e Argur dhe Deoni treguan pak nga bota e tyre, bota e çiltër dhe pa filtra e fëmijëve.

Armesa dhe Arguri ndajnë një lidhje të veçantë si binjakë, pasi siç shprehen “kuptohen me sy” dhe ‘skemat’ e marifeteve të tyre të vogla nuk kanë fund. Por teksa me njëri-tjetrin aty grinden, pajtohen e luajnë, me prindërit i kanë pak më të ndara ‘territoret’.

Armesa tregon se kur e ëma mbeti shtatzënë, dëshironte shumë të kishte djalë. Sot, Arguri ka një lidhje më të ngushtë me të, kurse Armesa është “goca e babit.”

Armesa: Mami ka marrëdhënie më të mirë me Argurin, kurse unë kam marrëdhënie më të mirë me babin.

Katerina Trungu: Ti je goca e babit, ai është çuni i mamit.

Armesa: Po.

Katerina Trungu: Ju bezdis e kundërta, dëshiron ti që të kesh pak më tepër vëmendjen e mamit, e kërkon?

Armesa: Ndonjëherë po, ndonjëherë jo, por mendoj se babi më kënaq me të, bisedoj.

Arguri: Për çdo sekret të parës ia them mamit.

Katerina Trungu: Po pse e keni bërë këtë ndarje? Si ka ardhur? Si mendoni, ka qenë se mami është lidhur pak më shumë me ty, ti je ndier më mirë me të?

Armesa: Me çfarë më ka treguar mami, kur ka qenë shtatzënë ka dashur të kishte një djalë. Unë kur ma ka treguar i thashë po pse nuk doje gocë ti? I shkonte më afër Argurit, ndërsa mua më merrte babi dhe qëkur kemi qenë të vegjël kemi qenë pak më afër me babin dhe me mamin.

#ShijeShtëpie Nga e hëna në të shtunë, live, nga ora 09:05-11:00, me Katerina Trungun & Znj.Vjollca. Një emision edukues, informues, argëtues. Çdo ditë me recetat e thjeshta dhe mbi të gjitha ekonomike, të Zj.Vjollca u tregon dhe mëson amvisave të çdo moshe si të gatuajnë receta të shijshme për të mbushur tavolinat e familjeve të tyre. Çdo ditë me Katerina Trungun informojmë publikun ndërmjet rubrikave dhe të ftuarve, me këshilla të thjeshta praktike, të kuptueshme nga të gjithë, për çdo aspekt të të përditshmes.

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/

#Receta #ZonjaVjollca #KaterinaTrungu

#armesagurazi #arguriguraziu
#deongjoni #delinamalaj