مجرور للطائف 2024 | احمد الخالدي | اداء:طراد الهذلي

|| مجرور للطائف ||

كلمات الشاعر / احمد بن عبدالله الخالدي (دكتور الكلمه )
آداء / طراد الهذلي
مكساج : مسارات
تصميم : فارس الخالدي

كلمات القصيدة :

من الطايف وللطايف سلام الحل والترحال
سلام الله على الطايف سلام الشوق مندوبه

يا راعي الكيف هات الكيف واوزن صبة الفنجال
ترى صبتك للفنجال بين الناس محسوبه

تبا تنزل لسوق الهرج وتوديك قيل وقال
وسوق الهرج عملات التداول فيه مضروبه

اخذ حذرك من الشمات يا ذيبان في اية حال
ترفع وارتفع لا تترك الغرات في دروبه

يبا يمسك عليك الدرب لا تامنه يا رجال
يقول فلان جانا قهوته تقطر على ثوبه

بعدها يا لساني هات واجب طيبين الفال
وخذنا للكريم اللي نظرنا منتحي صوبه

هلا يا مرحبا ترحيب لا غاوي ولا دجال
هلا يا مرحبا ترحيب جوده يغسل اذنوبه

هلا يا مرحبا ترحيب من دونه رجال اعمال
حديث العصر للاجواد في طرحه وفي اسلوبه

بيوت الجود تبقا عامره وان شانت الاحوال
لها ساساً وثيق ونارها يا ضيف مشبوبه

لك الله ربح من يبغا ينمي صدق راس المال
وعند اللي يدور للنسب والصهر مرغوبه

يقولون العوارف قبلنا سر الولد في الخال
بناخيّ البخيل بخيل يا دوبه ويا دوبه

قضى عمره وهو يطرد ورا الدنيا ريال ريال
ما يدري ان الكرم ثوب الكريم وساتر اعيوبه

هلا يا مرحبا ترحيب في بيت الكرم لا زال
اباً عن جد متواتر ولا جا فيه غيبوبه

يقدمها لكم عبد الرحيم وكفها فعال
كريماً من كرام ويعطي الرجال ماجويه

نهل من منهل الشيمه طلع من مطلع الابطال
وله رايات بيضا عند كل الناس منصوبه

ابو باساً شديد وضربته في الابتر القتال
واذا قفا جليسه مستحيل يحش عرقوبه

من اعلام الحجاز اللي تبا تحكي به الاجيال
نموذج معتدل للمرجله في دمه اخصوبه


إشترك في قناة المنشد طراد الهذلي الرسمية ليصلك كل جديد لمتابعة المنشد طراد الهذلي عبر مواقع التواصل 👇🏻


‏Official twitter   / trad_33  
‏Official snapchat   / n17qq  
‏Official instagram   / trad_33  
‏Official whatsApp 0557060222



{#طراد_الهذلي}{#فن_المجرور}{#حيوما}{#الطائف}{#هذيل}{#فهد_بن_فصلا}{#مكة}{#عكاظ}{#سعيد_بن_مانع}{#شيلات}{#قصائد}{#سلمان_الحزم}{#حمد_البريدي}{#ثقيف}{#قريش}{#عتيبه}{#يام}{#صوتيات}{#حمد_الطويل}{#العذب}{#الهدا}{#الشفا}{#اكسبلور}{#رجز}