توميه المطاعم باسهل طريقه / خيار مخلل سريع مقرمش وطعمه يجنن😍

بما ان معظمكم اختار ننزل بطريقه دونر الكباب فلازم الوصفتين دول الاول نجهزهم قبلها بيوم👌 جهزوهم وموعدنا بكره ان شاء الله
اي افضل طريقه جربتوها للتوميه؟
توميه المطاعم
كوب ميه معلقه كبيره هرميه نشا نقلبهم علي بارد ونحطهم علي نار مع تقليب لحد مايتقل القوام (للاسف الموبايل مطلعش بيصور ف الخطوه دي )
بسيبها تبرد تماما 💯
نضيف ليها علبه زبادي (لما بستخدم زبادي يوناني بيكون قوامها كريمي وطعمها غني ) تنفع بالزبادي العادي
فصين توم
ربع كوب زيت زيتون(مهم زيت الزيتون يكون اسباني طعمه بيكون خفيف ) لو مفيش استخدمو اي زيت نباتي
رشه بسيطه فلفل اسود
ملح
عصير نص ليمونه
نضربهم في الخلاط او ب الهاند بلندر
في الاول بيكون قومها نوعا ما خفيف بس تدخل التلاجه بيتقل القوام بيكون كريمي نفس الفيديو
اوقات كتير بحب ازود ليها معلقه مايونيز بس مكنش عندي
___________
مخلل الخيار
الطريقه دي معتمداها مش بس سهله لا في اي وقت بيكون عندك خيار سريع
ميه مغليه نسيبها بس تهدي من ٣ ل٥ دقايق نضيف ليها ٢ معلقه ملح (استخدمت ملح بحري) نص معلقه صغيره سكر(بتدي جرشه للخيار)
٣ ملاعق كبريه خل اختياري نضيف شطه مجففه
_____
في برطمان نضيف ومعقم نقطع خيار مهم جدا الخيار يكون فريش وبيكون احلي بالخيار البلدي
نضيف ليه اي منكهات حسب رغبتكم انا بضيف توم فلفل اسود واوقات بحب اضيف زعتر فريش
نضيف ليهم الميه ونغطي البرطمان تاني يوم نقدر ناكل منه
_______
بكره ان شاء الله بنستخدكها في وصفه فنانه 🤤👌
__________
في التوميه لو استخدكتو خليط المشا ساخن هيمرر التوم فيه
انا بحب اعملها قبلها بيوم وادخلها تلاجه لتاني يوم وقت الاستخدام
________
الخيار تعلمت ان ميكونش الميه مغليه اوي
لانها بتخليه مهري نوعا ما خلوها تهدي شويه
حاولوا تظبطو كميه لملح كمان اضافه السكر فعلا بتحافظ علي ان الخيار يفضل مقرمش
بنفس الطريقه دي بعمل فلفل هلابينو قطعو فلفل واتبعو نفس الخطوات 👌