Operation Tulong sang Aksyon Radyo Iloilo kag Love Radio Iloilo

Ginatos ang nakabenepisyo sa Operation Tulong sang Aksyon Radyo Iloilo kag Love Radio Iloilo.

Ginhiwat ang Operation Tulong sa Ungka II, Pavia sang Nobyembre 11, 2023.

Dala sang Aksyon Radyo kag Love Radio ang nagkalain-lain nga serbisyo pareho sang libre nga check-up kag bulong, libre nga pagunting kag masahe.

May mga nagdaug man sang P500 kag P350 nga cash, P500 nga balor sang gift certificate, Christmas bundle kag lima ka kilo sang bugas sa pahampang.

Nangin partner sang Aksyon Radyo Iloilo kag Love Radio sa labing una nga Operation Tulong ang Iloilo Provincial Government paagi sa Project Buligay, si Iloilo Governor Arthur Defensor, Jr., ang Hospital Management Office, kag ang Pavia Local Government Unit.

Ang Operation Tulong una nga ginhimo sa DZRH 45 ka tuig na ang nakaligad bilang kabahin sang corporate social responsibility sang Manila Broadcasting Company.

Subong nga tuig, gin-expand ang programa kag gindala na sa iban nga mga lugar sa Pilipinas agud mas madamo pa ang mabuligan nga kabarangayan.

Magluwas sa Iloilo, 15 pa ka nga lugar sa bug-os nga Pilipinas ang naghiwat sang Operation Tulong.