Suv ta’minoti infratuzilmasi kengaymoqda hamda obodonlashtirish ishlari davom etmoqda

Yangiyo‘l tumani “Ko‘kalamzor” MFY Sh.Rashidov hududida yashil makon loyihalarini amalga oshirish maqsadida sug‘orish tizimini yo‘lga qo‘yish borasida ayni kunlarda amaliy ishlar olib borilmoqda.

Loyiha davlat byudjeti mablag‘lari hisobidan amalga oshirilib, yangi suv ta’minoti inshootlari qurilmoqda.

Loyihaning qiymati 274,3 mln so‘mni tashkil etib, amalga oshiriladigan ishlar orqali hududdagi yashillikni saqlash va ko‘kalamzorlashtirish uchun barqaror suv ta’minoti yo‘lga qo‘yiladi.

Shuningdek, mahallada keng qamrovli obodonlashtirish ishlari ham olib borilmoqda.