Hanuman Chalisa | Rock Cover | Powerful & High-Energy Devotional Song

#LordHanuman #hanuman #HanumanChalisa #RockAnthem #BhaktiRock
Welcome to Nirvasmi! Prepare for a divine adrenaline rush with our explosive Rock Version of the Hanuman Chalisa!
🎧 Perfect for:
Workouts and Gym Motivation
High-Energy Drives
Focus and Fearlessness
Daily Devotion with a modern twist
🔔 Subscribe to Spiritual Echoes for more Powerful Music

Lyrics:
[दोहा]
श्रीगुरु चरण सरोज रज, निज मन मुकुर सुधारि ।
बरनऊँ रघुवर बिमल जसु, जो दायकु फल चारि ॥

[चौपाई]
जय हनुमान ज्ञान गुन सागर ।
जय कपीश तिहुँ लोक उजागर ॥ १ ॥

राम दूत अतुलित बलधामा ।
अंजनिपुत्र पवनसुत नामा ॥ २ ॥

महाबीर विक्रम बजरंगी ।
कुमति निवार सुमति के संगी ॥ ३ ॥

कंचन बरन बिराज सुबेसा ।
कानन कुंडल कुंचित केसा ॥ ४ ॥

हाथ वज्र औ ध्वजा विराजै ।
काँधे मूँज जनेऊ साजै ॥ ५ ॥

शंकर सुवन केसरी नंदन ।
तेज प्रताप महा जगवंदन ॥ ६ ॥

विद्यावान गुनी अति चातुर ।
राम काज करिबे को आतुर ॥ ७ ॥

प्रभु चरित्र सुनिबे को रसिया ।
राम लखन सीता मन बसिया ॥ ८ ॥

सूक्ष्म रूप धरि सियहिं दिखावा ।
विकट रूप धरि लंक जलावा ॥ ९ ॥

भीम रूप धरि असुर सँहारे ।
रामचंद्र के काज सँवारे ॥ १० ॥

लाय सजीवन लखन जियाए ।
श्रीरघुवीर हरषि उर लाए ॥ ११ ॥

रघुपति कीन्ही बहुत बड़ाई ।
तुम मम प्रिय भरतहि सम भाई ॥ १२ ॥

सहस बदन तुम्हरो जस गावैं ।
अस कहि श्रीपति कंठ लगावैं ॥ १३ ॥

संकादिक ब्रह्मादि मुनीसा ।
नारद सारद सहित अहीसा ॥ १४ ॥

यम कुबेर दिगपाल जहाँ ते ।
कवि कोविद कहि सके कहाँ ते ॥ १५ ॥

तुम उपकार सुग्रीवहिं कीन्हा ।
राम मिलाय राजपद दीन्हा ॥ १६ ॥

तुम्हरो मंत्र विभीषण माना ।
लंकेश्वर भए सब जग जाना ॥ १७ ॥

युग सहस्त्र योजना पर भानू ।
लील्यो ताहि मधुर फल जानू ॥ १८ ॥

प्रभु मुद्रिका मेलि मुख माहीं ।
जलधि लांघि गए अचरज नाहीं ॥ १९ ॥

दुर्गम काज जगत के जेते ।
सुगम अनुग्रह तुम्हरे तेते ॥ २० ॥

राम दुआरे तुम रखवारे ।
होत न आज्ञा बिनु पैसारे ॥ २१ ॥

सब सुख लहैं तुम्हारी सरना ।
तुम रक्षक काहू को डरना ॥ २२ ॥

आपन तेज सम्हारो आपै ।
तीनों लोक हाँक तैं काँपै ॥ २३ ॥

भूत पिशाच निकट नहिं आवै ।
महावीर जब नाम सुनावै ॥ २४ ॥

नासै रोग हरे सब पीरा ।
जपत निरंतर हनुमत बीरा ॥ २५ ॥

संकट तै हनुमान छुड़ावै ।
मन क्रम वचन ध्यान जो लावै ॥ ২৬ ॥

सब पर राम तपस्वी राजा ।
तिनके काज सकल तुम साजा ॥ २७ ॥

और मनोरथ जो कोई लावै ।
सोई अमित जीवन फल पावै ॥ २८ ॥

चारों जुग परताप तुम्हारा ।
है परसिद्ध जगत उजियारा ॥ २९ ॥

साधु संत के तुम रखवारे ।
असुर निकंदन राम दुलारे ॥ ३० ॥

अष्टसिद्धि नव निधि के दाता ।
अस बर दीन्ह जानकी माता ॥ ३१ ॥

राम रसायन तुम्हरे पासा ।
सदा रहो रघुपति के दासा ॥ ३२ ॥

तुम्हरे भजन राम को पावै ।
जनम-जनम के दुख बिसरावै ॥ ३३ ॥

अंतकाल रघुपति पुर जाई ।
जहाँ जन्म हरिभक्त कहाई ॥ ३४ ॥

और देवता चित्त न धरई ।
हनुमत सेइ सर्व सुख करई ॥ ३५ ॥

संकट कटै मिटै सब पीरा ।
जो सुमिरै हनुमत बलबीरा ॥ ३६ ॥

जय जय जय हनुमान गोसाईं ।
कृपा करहु गुरुदेव की नाईं ॥ ३७ ॥

जो शत बार पाठ कर कोई ।
छूटहि बंदि महा सुख होई ॥ ३८ ॥

जो यह पढ़ै हनुमान चालीसा ।
होय सिद्धि साखी गौरीसा ॥ ३९ ॥

तुलसीदास सदा हरि चेरा ।
कीजै नाथ हृदय महँ डेरा ॥ ४० ॥

[दोहा (समाप्ति)]
पवनतनय संकट हरन, मंगल मूर्ति रूप ।
राम लखन सीता सहित, हृदय बसहु सुरभूप ॥

#LordHanuman #hanuman #HanumanChalisa #RockAnthem #BhaktiRock