جزاء المحبه - كلمات نايف الاسلمي أداء مرسال العجوني و يوسف ذاير

إشترك وفعل التنبيهات بـ قناة المنشد مرسال العجوني الرسمية للحصول على الجديد

كلمات نايف الاسلمي
اداء : مرسال العجوني و يوسف ذاير


‏‎ للتواصل مع المنشد مرسال العجوني

واتس : 0547581866
سناب : mrsaal11111

الكلمات

ارزاقنا عند رب الكون مقسومه
محدٍ خذا رزقه بسيفه ومشعابه

الرجل لو زادت همومه على همومه
يكتم وكثر التشكّي مافتح بابه

والصبر للي يحب يشوف مفهومه
يقرا تفاصيل صفحاتي من كتابه

يانفسي الصابره مانتي ب مليومه
واللي جرالك مانيب محسّب حسابه

اشعورنا في طريق الحب مهضومه
وقلوبنا من ردود الفعل مرتابه!!

ياصاحبي صاحبك لو طابت علومه
من غيبتك خالقه باحواله ادرى به

ارجع ترا روحه من الضحك محرومه
و حاول تقبّل مشاريهه مع عتابه

جزا المحبّه ماهو في صدّ وخصومه
ليش التغلّي؟ ووصلك راحة اعصابه

هجرك كما طعنةٍ فالقلب مسمومه
مافاد فيها علاج الطب و اعشابه

امعوّدك ياعسى يومك بعد يومه
وماقالها من غلاك لخيرة اصحابه

ارحم عزيزٍ ما والله لانت عزومه
شاعر ولا خاب رجّالٍ تهقوى به

حرٍ بكبد السماء له صوله وحومه
عشاه من صيد جنحانه ومخلابه

يمشي على خطةٍ بالطيب مرسومه
والوقت مايرحم اليا كشّر ب نابه

ايسامر الليلة القمرا مع نجومه
والروح من همّه المكبوت منصابه

ايخفّي الهم لو النفس مصدومه
عن ابعد الناس والاصحاب واقرابه

من دون تحقيق شفّه طيحه وقومه
والواقع اقشر ويمّ الشرق صلّى به

حلمه غدا وايتحرّا ساعة اقدومه
كافح وعانا لكن الحظّ عيّابه

مع ذاته ايخوض حربٍ تحرمه نومه
وضحيّة الحرب جفنٍ تسهر اهدابه

جتْك الرساله من اعماقه بمنظومه
وسؤاله العام ماحصّل له إيجابه

ب اسمه وتوقيعه وبالودّ مختومه
قدّر شعوره مادامك كاسب اعجابه.

كلمات : نايف الاسلمي