【屯門家姐帶路之岑珈其帶路屯門一日遊】

【屯門家姐帶路之#岑珈其 帶路屯門一日遊】屯門人嚴重聲明：屯門真係冇牛㗎｜巴倫紐全名係有埋米蘭你知唔知？｜岑珈其最愛pizza店｜凱都戲院爆谷真係咁好味？｜必到浩和街打卡｜屯公塞車真係好興奮｜搭車另類metime時間｜屯門人齊來找共鳴

今集山長水遠入到嚟屯門，經歷咗漫長嘅搭車之旅，落車真係忍唔住講句：「屯門真係好遠呀！～～‌‌」不過今日有屯門爺爺岑珈其帶我遊屯門，跟住佢去搵食，又可以做freerider喇～

第一間嚟到屯門人一定識嘅置樂粉仔檔，呢間粉仔檔屯門人無一不曉！珈其話佢細細個成日俾阿媽帶嚟鏟頭髮，剪完個陸軍裝，一定會嚟食粉仔，嗰陣好似先$5一碗，好平㗎。今日再次重溫小時候嘅味道，珈其一食就食得出啲粉仔質哋唔同咗，不過整體味道冇變，識食一定要加佢哋個「別挑戰」菜脯，幾惹味㗎！喺粉仔檔珈其仲大爆唔少過往頑皮趣事，當中「吐珍珠」最令我印象深刻，想知發生咩事記得要睇片呀！

第二間Canadian Pizza係珈其嘅愛店，平時放假會同老婆仔仔過嚟食pizza，佢仲話自從食完呢間pizza，就冇再幫襯過其他pizza店，堅好食咁話！個pizza份量勁大，叫2-3人餐已經好豐富喇！比較特別嘅係，居然有埋手搖飲品，一邊食住pizza，一邊飲芝士奶油草莓，又幾chill喎^^

去浩和街打卡之前，我特登捉咗珈其陪我去凱都戲院，皆因呢間戲院嘅爆谷非常出名！甚至乎啲人會特登過嚟買凱都爆谷，之後再拎入對面嘅巴倫紐戲院睇戲。可惜嗰日爆谷只有原味，試唔到朱古力味兩溝，見珈其食到停唔到口就知凱都戲院嘅爆谷有幾得啦！

最後一站嚟到有如外置身於外國嘅屯門浩和街，椰樹＋無敵大海景+大塊草地，無論嚟打卡定散步，嚟到包你好心情！原來屯門除咗菠蘿山，仲有一個咁靚地方，你哋去咗打卡未呀？

雖然今日只係試咗2間餐廳，身為屯門人嘅你哋平時又會去邊度搵食？有冇試過特登去凱都買爆谷，之後過巴倫紐戲院睇戲呢？有咩好提議，都可以留言話俾我哋知～

今集好開心有屯門爺爺岑珈其陪我屯門食好西＋玩足全日，對屯門呢個地方又增長咗唔少知識，雖然搭車時間好長，不過另一角度睇，其實喺巴士上只要好好善用時間，瞓覺、打機、煲刻、望海……都可以係另類嘅me time～

同上集一樣，唔准諗即刻答：講底3樣最代表到屯門嘅嘢！
*特別鳴謝屯門家姐——爺爺岑珈其

粉仔檔
地址：屯門青河坊2號麗寶大廈地下1號鋪
馳名粉仔 $20
生菜魚肉 $20
燒賣 $11/8粒

Canadian Pizza
地址：屯門青菱徑7號華興大厦地下A號鋪
C2 3-4人餐 $340
楊枝甘露 $34
芝士奶油草莓 $34

凱都戲院
地址：新墟屯門鄉事會路136號
爆谷 $18

撰文、主持：Yvonne Lam
攝影：Doris Wong、Peter Li
剪接：Doris Wong
美術：Anita Lam

#屯門 #岑珈其 #屯公 #屯門牛 #屯門家姐 #屯門爺爺 #粉仔檔 #馳名粉仔 #生菜魚肉 #燒賣 #CanadianPizza #Pizza #楊枝甘露 #芝士奶油草莓 #凱都戲院 #巴倫紐 #爆谷 #屯門冇牛㗎 #屯元天 #浩和街 #打卡 #18區搵食 #Talkfood屯門 #TalkFood

TalkFood 先填飽肚子再前進：
YouTube :    / talkfood  
Facebook :   / talkfood  
Instagram : https://instagram.com/talkfood?igshid...

延伸閱讀：

【大埔家姐帶路之大埔名物尖叫系列】

   • 【大埔家姐帶路之大埔名物尖叫系列】今集繼續對唔住大家睇片時煩請降低音量｜繼續創造慘痛...  

【長洲家姐帶路之長洲2.0】

  / cdkzvpcnofv