«Таза Қазақстан» Road-эстафетасы Шымкент пен Түркістан облысына жетті

Алматы облысынан басталған «Таза Қазақстан» Road-эстафетасы Шымкент қаласы мен Түркістан облысына жетті. Экобелсенділер халықаралық маңызы бар автожол бойын қоқыстан тазартып, табиғатты аялауға шақырды. Керуенге ауыл-аймақтың белсенді тұрғындары да қосылды. AMANAT партиясының бастамасымен «Чемпиондық рух» жобасы ұйымдастырылып, «Тазалық – саулық негізі, мәдениет өлшемі» деген ұран дәріптелді. Жалпыхалықтық акцияға 4 мыңға жуық адам атсалысты. Олар Біржан Жақыпов, Арман Оспанов және Нұрғиса Әділетұлы сияқты әлемдік жарыстың жеңімпаздарымен бірге дене шынықтыру жаттығуларын жасап, салауатты өмір салтын осылайша насихаттады. 

#ТазаҚазақстан #Road-эстафетасы #Шымкент #Түркістан #жаңалықтар #Хабар #Хабаржаңалықтар #жаңалықтар2025