من

للتواصل والاستفسارات :
الحسابات الرسمية
​
‏Official WhatsApp :
https://api.whatsapp.com/send?phone=5...

__

الموال :

ياهل الشعل لحدٍ يطلب سماحه
ذا الزمان اكثر الاحلام نمحيها

للميادين نار وضو قداحه
تصلي الي يقلط في حراويها

يابو رامس وكفك للفخر راحه
في فعولٍ هل التاريخ ترويها

مجدك العام نجمٍ يرهج الساحه
شوط شلفا ولي العهد حاميها

والتحالف بشلفك جدد جراحه
وشتت القوم لا كبرت هقاويها

ومن يبي العز لا ينشد من الراحه
نار الامجاد تبغي من يصاليها

الابيات :

يا مسامرة الطواري ملاعبة السباح
ما على وصول الرساله من استرسالها

ودي اعلمكم السر في السحر المباح
بس اخاف ان موهبتكم تشد رحالها

مستعد اكتب قصيده على خضر الفياح
تثبت ان فرق القصايد مدا استحلالها

لارضى مستاجر الهاجس بفكرٍ مناح
مارضيت الا ببكرٍ مابان شوالها

من كثر مايدسم المخلب اسدلت الجناح
لين صرت امر الافكار واشغل بالها

ذاخرٍ لي عصماً تساق لطيور الفلاح
جات من باب انزلو الناس في منزالها

في ال ظبيه تفخر ابلغ بيوت الامتداح
منصا شرهات القرايح على مداهالها

الفخر في ضفهم عاش والمجد استراح
وسبع الانعام بنباهم صدح موالها

يا عيال اللي يزيح الظروف ولا يزاح
عايض بفعله تحقر الرجال افعالها

لا وقف الامجاد براقها بالعز لاح
وان جلس عسر المواقف شرب فنجالها

وعد عبدالله وتارد على العد القراح
فزعته في كل جمه طوال حبالها

اخطل ذراع ماضري على مد الشحاح
في يمينه غيمةٍ ما انثلم همالها

اكرم من المزن وانفع من انسام الرياح
كل طاله لا طرا اسمه رجح مكيالها

الرجال صدورها تضيق ومنصاه انشراح
قبل لايطيب لحاها يطيب فالها

ومع يزيد الزود في غدو ولا في رواح
لااحتما ضرب الميادين قال انا لها

كل عام يعرض اخصامنا الحزم البراح
رغم كثر اموالها ماوصلت لامالها

لا تقدم ينسف احلام ويحسف كفاح
وبالفعول يثبت الكلمة الي قالها

وكم غزيزٍ في الميادين قفاها الوشاح
بالنظر ترجمت قول السعد باقبالها

فرق تقفيل العدد عن حضور الاكتساح
مثل فرق جزال الافعال عند هزالها

من شرا الحاشي وراهن عليه وهو طراح
ماهو مثل اللي شراها تواما سبالها

احسب نهايات الاحلام بنبوة سجاح
لين شفت منافسينه وش يورا لها

وانت ياللي تحسب ان فوزك العام اكتساح
ذا السنه مطيح نفسك بشر اعمالها

ما توردك النواميس رعيان المراح
كيف بتسرك وقبلك ما سرت حالها

والفرص مادامها ماهي بدايم تتاح
فرصة البيع ابسط حقوقه استغلالها

لا يجي للشوط بالي مخالفها الصلاح
ودنا نار التنافس يزيد اشعالها

شوط شلفا الشعل من دونه السم الذحاح
ولا نقدم للميادين غير ابطالها

يا ابن ظبيه ذكر اللي نسى ذاك الصباح
الصباح الي هل الحكي جلا ازوالها

لاقبلت غزايز مضيم في صيهد رماح
وقوم ابن هادي بمسراحها تبرا لها

بينها وبين النواميس تاريخ ونجاح
تعدل اللجنه الى قدمت معدالها

ناهية عضم ورها وجهها يزها الطفاح
ما ينافسها على الزين غير اضلالها

ماهو بينقص تسنادها غير الجناح
واجزم انها تفرق الغيم في زرفالها

لونها ياخذ من الشمس وخيوط الصباح
وزري بشت اللي ليا قال كلمه طالها

ودك ان العود الازرق لا شبيته وفاح
كل فرديه تطيب لا حط جلالها

كم تركنا تحتها شيخٍ يجر الصياح
ثيلوا به من ظهر سابقه لاسفالها

لا اعتلينا بنت ريحٍ تلاوح للرماح
العراق ومصر تهتز منا جبالها

جمعنا من يوم نجدٍ تراوز بالسلاح
القبايل منه ان سار زاد جفالها

حن عيال مضيم من قبل اذان ابن رباح
قوةٍ كل الجزيرة تهاب رجالها